Bıshimbaevtyń úkimin jeńildetip beremin dep, 100 mln teńge jymqyrǵan turǵyn ustaldy

Kórkem Aldabergenova 21 maý. 2024 15:17 6662

Elorda turǵyny Bıshimbaevtyń úkimin jeńildetý syltaýymen aldaý arqyly 100 mln teńgeni ıemdenbek bolǵan degen kúdikke ilindi, - dep habarlaıdy Dalanews.kz.

Sybaılas jemqorlyqqa qarsy qyzmet Bıshimbaevtyń týystarynyń ótinishi boıynsha elorda turǵyny «G»-ǵa qatysty sotqa deıingi tergeý júrgizýde.

Ol asa iri mólsherde alaıaqtyqqa oqtalǵany, ıaǵnı Q. Bıshimbaevtyń úkimin jeńildetý syltaýymen aldaý arqyly 100 mln teńgeni ıemdený boıynsha kúdikti. Sonymen qatar, kúdiktiniń is-áreketi asa iri mólsherde para berýge ıtermeleý boıynsha saralandy.

Onyń qylmystyq áreketiniń basqa epızodtary tekserilýde.Kúdikti sottyń sanksıasymen qamaýǵa alyndy.

Tergeý jalǵasýda.

Qylmystyq-prosestik kodekstiń 201-babyna sáıkes ózge aqparat jarıa etýge jatpaıdy.

Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.


Usynylǵan
Sońǵy jańalyqtar