بيشىمبايەۆتىڭ ۇكىمىن جەڭىلدەتىپ بەرەمىن دەپ، 100 ملن تەڭگە جىمقىرعان تۇرعىن ۇستالدى

كوركەم الدابەرگەنوۆا 21 ماۋ. 2024 15:17 6606

ەلوردا تۇرعىنى بيشىمبايەۆتىڭ ۇكىمىن جەڭىلدەتۋ سىلتاۋىمەن الداۋ ارقىلى 100 ملن تەڭگەنى يەمدەنبەك بولعان دەگەن كۇدىككە ءىلىندى، - دەپ حابارلايدى Dalanews.kz.

سىبايلاس جەمقورلىققا قارسى قىزمەت بيشىمبايەۆتىڭ تۋىستارىنىڭ ءوتىنىشى بويىنشا ەلوردا تۇرعىنى «گ»-عا قاتىستى سوتقا دەيىنگى تەرگەۋ جۇرگىزۋدە.

ول اسا ءىرى مولشەردە الاياقتىققا وقتالعانى، ياعني ق. بيشىمبايەۆتىڭ ۇكىمىن جەڭىلدەتۋ سىلتاۋىمەن الداۋ ارقىلى 100 ملن تەڭگەنى يەمدەنۋ بويىنشا كۇدىكتى. سونىمەن قاتار، كۇدىكتىنىڭ ىس-ارەكەتى اسا ءىرى مولشەردە پارا بەرۋگە يتەرمەلەۋ بويىنشا سارالاندى.

ونىڭ قىلمىستىق ارەكەتىنىڭ باسقا ەپيزودتارى تەكسەرىلۋدە.كۇدىكتى سوتتىڭ سانكسياسىمەن قاماۋعا الىندى.

تەرگەۋ جالعاسۋدا.

قىلمىستىق-پروسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.

كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.


ۇسىنىلعان
سوڭعى جاڭالىقتار