Zańger Daniiar Baiǵabatov Tengrinews.kz tilshisine bergen suhbatynda Qýandyq Bishimbaev pen Baqytjan Baijanovtyń taǵdyryn sheshetin úsh suraqty aitty, - dep habarlaidy Dalanews.kz.
Zańgerdiń sózinshe, árbir aiyptalýshy boiynsha kelesi úsh suraq qoiylady:
- qylmystyń bolǵany dáleldendi me;
- bul qylmysty sottalýshy jasaǵany dáleldengen be;
- sottalýshy bul qylmysty jasaǵany úshin kináli me?
10 mamyrdaǵy sot otyrysynda ne bolady?
Qylmystyq is júrgizý kodeksiniń 653-babynyń 1-bóligine sáikes alqabiler máselelerdi talqylaý jáne tujyrymdaý ýaqytynda sot otyrysy zalynan shyǵarylady.
QIJK-niń 653-babynyń ekinshi bóligine sáikes árbir tarap suraqtardyń mazmuny men tujyrymy boiynsha óz eskertýlerin aitady, sondai-aq olar jańa suraqtar qoiý týraly usynystar jasaidy.
Sýdia taraptardyń eskertýleri men usynystaryn nazarǵa ala otyryp, keńesý bólmesinde máselelerdi túpkilikti tujyrymdai otyryp, olardy suraq paraǵyna jazady jáne oǵan qol qoiady. Zalǵa oralǵannan keiin sýdia taraptar men alqabilerdiń qatysýymen suraq paraǵyn jariialaidy.
Osydan keiin suraqtar tujyrymyn ózgertýge, suraq paraǵynan suraqtardy alyp tastaýǵa, oǵan jańa suraqtardy engizýge jol berilmeidi.
