Qýandyq Bishimbaevqa qatysty sot týraly týraly jazbasy úshin bloger jazalandy, - dep habarlaidy Dalanews.kz.
Jelide Islam Ýgýshev esimdi qoldanýshynyń úndeýi paida boldy. Onyń aitýynsha, Qýandyq Bishimbaevtyń soty týraly jazbasynan keiin quqyq qorǵaý organdary sońyna túsip, aiyppul salǵan. Ol jelidegi jazbasynda Bishimbaev sotta telefon qoldanyp otyrýy múmkin degen boljam jasaǵan.
@singer_lanamuzik @S.O.B. #poiskpropavshih #sýdbishimbaeva #parenizalmaty #saltanatnýkenova #sýd #politsiiakazahstana #davlenienablogerovkazahstana #islamýgýshev ♬ originalnyi zvýk - lanakz_almati
Astana Politsiia departamentiniń baspasóz qyzmeti ókili áleýmettik jelidegi paraqshanyń avtory anyqtalǵanyn, ol sot protsesi barysynda sottalýshy Bishimbaev uialy telefon paidalanǵanyn aitqanyn málimdedi.
"Ol jalǵan aqparat jariialaǵany úshin jaýapqa tartyldy", - dedi politsiia.
Aita keteiik, buǵan deiin Bishimbaevqa qatysty sot otyrysynda qatysýshylardyń biri sottalýshynyń telefonynan daýys shyqqanyn aitty. Sýdia qatysýshyǵa Bishimbaevqa jaqyndap, telefon bar-joǵyn tekserýdi usyndy, alaida er adam jaýap qatpady.
Aita keteiik, 27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy.
Sonymen qatar, Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Sot otyrystarynda oqiǵa bolǵan kezdiń, dálirek, Bishimbaev Saltanatty shashynan súirep, tepkilegen sumdyq kadrlar kórsetildi.
