Áleýmettik jeliler men buqaralyq aqparat quraldarynda Saltanat Núkenovany óltirdi degen kúdikti Qýandyq Bishimbaevty týystary aqtap alýǵa tyrysady degen aqparat jeldei esti, - dep habarlaidy Dalanews.kz.
Bul máselege bala quqyqtary jónindegi ýákil Dinara Zakieva da pikir bildirdi. Onyń aitýynsha, sot bastalar aldynda nemese sot barysynda sottalýshyny aqtaý maqsatynda derekterdi ádeii burmalaýǵa tyrysyp baǵý áreketteri jasalýy múmkin.
Chinovnik Telegram-arnasy málimetinshe, bul qaýip negizsiz emes.
"Bishimbaevtyń jaqyndary Sol jaǵalaýdaǵy kabinetterden jaqtas izdep jatyr. Bul ispen onyń ákesi, qoǵam jáne ǵylym qairatkeri Ýálihan Bishimbaev ainalysyp jatyr", - dep jazylǵan arna málimetinde.
Al buǵan deiin jýrnalist Syrym Itqulov áleýmettik jelide burynǵy ministr Ermuhamet Ertisbaevty Qýandyq Bishimbaevty qoldaýǵa qatysy barlardyń biri retinde kórsetti.
"Qýandyqtyń ákesi Ýálihan Bishimbaevtyń ulyn qorǵashtap, qoǵamdaǵy pikirge áser etýge tyrysqan videosy esterińizde me? Ol jýrnalister men blogerlerdiń úsitnen ózin, ulyn, olardyń otbasyn kópshilik aldynda qorlaǵany úshin aryz jazdy.
Al buqaraǵa ún qatý úshin oǵan Nazarbaevtyń bulbuly - Ermuhamet Ertisbaevtan basqa eshkim múmkindik bergen joq", - degen edi ol.
