الەۋمەتتىك جەلىلەر مەن بۇقارالىق اقپارات قۇرالدارىندا سالتانات نۇكەنوۆانى ءولتىردى دەگەن كۇدىكتى قۋاندىق بيشىمبايەۆتى تۋىستارى اقتاپ الۋعا تىرىسادى دەگەن اقپارات جەلدەي ەستى، - دەپ حابارلايدى Dalanews.kz.
بۇل ماسەلەگە بالا قۇقىقتارى جونىندەگى ۋاكىل دينارا زاكييەۆا دا پىكىر ءبىلدىردى. ونىڭ ايتۋىنشا، سوت باستالار الدىندا نەمەسە سوت بارىسىندا سوتتالۋشىنى اقتاۋ ماقساتىندا دەرەكتەردى ادەيى بۇرمالاۋعا تىرىسىپ باعۋ ارەكەتتەرى جاسالۋى مۇمكىن.
چينوۆنيك Telegram-ارناسى مالىمەتىنشە، بۇل ءقاۋىپ نەگىزسىز ەمەس.
"بيشىمبايەۆتىڭ جاقىندارى سول جاعالاۋداعى كابينەتتەردەن جاقتاس ىزدەپ جاتىر. بۇل ىسپەن ونىڭ اكەسى، قوعام جانە عىلىم قايراتكەرى ءۋاليحان بيشىمبايەۆ اينالىسىپ جاتىر"، - دەپ جازىلعان ارنا مالىمەتىندە.
ال بۇعان دەيىن جۋرناليست سىرىم يتقۇلوۆ الەۋمەتتىك جەلىدە بۇرىنعى مينيستر ەرمۇحامەت ەرتىسبايەۆتى قۋاندىق بيشىمبايەۆتى قولداۋعا قاتىسى بارلاردىڭ ءبىرى رەتىندە كورسەتتى.
"قۋاندىقتىڭ اكەسى ءۋاليحان بيشىمبايەۆتىڭ ۇلىن قورعاشتاپ، قوعامداعى پىكىرگە اسەر ەتۋگە تىرىسقان ۆيدەوسى ەستەرىڭىزدە مە؟ ول جۋرناليستەر مەن بلوگەرلەردىڭ ۇسىتنەن ءوزىن، ۇلىن، ولاردىڭ وتباسىن كوپشىلىك الدىندا قورلاعانى ءۇشىن ارىز جازدى.
ال بۇقاراعا ءۇن قاتۋ ءۇشىن وعان نازاربايەۆتىڭ بۇلب ۇلى - ەرمۇحامەت ەرتىسبايەۆتان باسقا ەشكىم مۇمكىندىك بەرگەن جوق"، - دەگەن ەدى ول.
