Qýandyq Bishimbaevtyń advokattary apelliatsiiaǵa bermek. Qorǵaýshy jaqtyń barlyq qujat pen úkimdi zertteýge 28 mamyrǵa deiin ýaqyty bar. Bul týraly Bishimbaevtyń advokattarynyń biri Erlan Ǵazymjanov aitty, - dep habarlaidy Dalanews.kz.
Buǵan deiin de eks-ministrdiń advokattary apelliatsiiaǵa beretinin málimdegen edi. Alaida ýaqyty naqty belgisiz boldy.
"Áli ýaqyt bar. Barlyq derekti zertteimiz. Apelliatsiia maýsymda ótedi dep oilaimyn. Ótinimnen keiin taǵy birneshe protsedýradan ótý kerek. Ol bir aidan aspaýy kerek", - deidi advokat ztb.kz-ke suhbatynda.
Sonymen qatar, Ǵazymjanovtyń aitýynsha, sot qorǵaýshy tarapqa alqabilerdiń daýys berý nátijelerin ashyp aitpaidy. Onyń sózinshe, bul apelliatsiialyq protseste negizgi kilt bolar edi.
"Biz qansha "qarsy" jáne "kelisken" daýys berilgenin bilmeimiz. Osy derekterdi bilmei úkimge qalai shaǵymdanýǵa bolady? Teoriia boiynsha sýdia alqabilerdiń pikirine qaishy úkim shyǵarýy múmkin. Biz ony teksere almaimyz. Qoldanystaǵy zańnamada bul aqparatty alýǵa tyiym joq. Zańda sýdia muny isteýge mindetti ekeni jazylmaǵan. Biraq bul birnárseni jasyrý kerek degendi de bildirmeidi, - dep túsindirdi ol.
Eske salaiyq, byltyr Qýandyq Bishimbaev áieli Saltanat Núkenovany óltirdi degen kúdikpen qamaýǵa alynǵan edi. Oqiǵa 2023 jyly 9 qarashada Astana qalasyndaǵy BAU meiramhanasynda boldy.
Bishimbaevqa eki bap boiynsha aiyp taǵyldy:
- asa qatygezdikpen kisi óltirý (15 jyldan 20 jylǵa deiin nemese ómir boiyna bas bostandyǵynan aiyrý);
- qorlaý (4 jyldan 7 jylǵa deiin bas bostandyǵyn shekteý nemese osy merzimge bas bostandyǵynan aiyrý).
