Eks-mınıstr Qýandyq Bıshimbaevqa qatysty sot jaryssózinde onyń advokaty Erlan Ǵazymjanov birneshe márte eskertý aldy, - dep habarlaıdy Dalanews.kz.

Qorǵaýshynyń sózinshe, Bıshimbaev Núkenovany júıeli túrde azaptady deýge negiz joq.

"Qylmystyq kodekstiń babyn ashsańyz, onda azaptaý ne ekeni jazylyp tur. Azaptaý - júıeli túrde soqqyǵa jyǵý. Biraq olar birge ómir súrgen jyldaǵy úsh jaǵdaı júıeli túrde soqqyǵa jyǵýǵa jata ma? Olar qydyryp, demaldy, qalaǵan jerine bardy, qalaǵanyn jedi, qymbat zergerlik buıymdar taqty, qymbat kıim kıdi jáne úsh ret kelispeýshilik boldy, osynyń bári júıeli azaptaý ma?" - dedi advokat.

Sýdıa Aıjan Qulybaeva qorǵaýshyǵa taǵy da osyndaı málimdemeler jasasa, sot tıisti túrde áreket etýge májbúr bolatynyn eskertti.

"Sizdiń eskertýińizdi túsindim. Biraq, qurmetti sot, siz tek maǵan eskertý jasaısyz. Nelikten basqalarǵa olaı qaramaısyz?" - dedi advokat.

"Qorǵaýshy, bir mınýt. Siz qylmystyq is júrgizý zańnamasynyń talaptaryn bilesiz. Taǵy osylaı áreket etseńiz, taǵy da aıtamyn: sot soǵan sáıkes jaýap berýge májbúr bolady. Bul qorqytý emes. Bul - siz qazir qylmystyq is júrgizý zańnamasyn buzǵan nárse. Siz qylmystyq is júrgizý zańnamasynyń normalaryn buzbaı sózińizdi jalǵastyra alasyz", - dedi sýdıa.

Ǵazymjanov málimdeme jasaýyn jalǵastyrdy, biraq biraz ýaqyttan keıin sýdıa odan ornyna barýdy ótindi.

"Qorǵaýshy, sizdiń ustanymyńyzdy eskere otyryp, sizge taǵy da muqıat túsindirýim kerek eken, óıtkeni siz túsinbeısiz. Sot sizge úsh ret eskertý jasady. Siz túsinbegendikten, taǵy da túsindiremin. Sot jaryssózderinde taraptar etıkaǵa jat, ádepsiz málimdemelerge jol bermeýi kerek. Sizdiń osy ýaqytqa deıin aıtqanyńyz moral, minez-qulyq normalaryna sáıkes kelmeıdi. Ne aıtyp turǵanyńyzǵa jaýap berýińiz kerek", - dep qorytyndylady Aıjan Qulbaeva.