Burynǵy ulttyq ekonomika ministri Qýandyq Bishimbaevtyń advokaty Erlan Ǵazymjanov BAQ-ta paida bolǵan aqparatqa pikir bildirdi, - dep habarlaidy Dalanews.kz Tengrinews.kz-ke siltep.
Ǵazymjanovtyń aitýynsha, Bishimbaev Stepnogorsk qalasyndaǵy qaýipsizdigi joǵary mekemede.
"Ol bárimen teń jaǵdaida otyr. Qalypty jaǵdaida, eshqandai artyqshylyq joq", - dedi Ǵazymjanov.
Advokattyń sózinshe, búginde Bishimbaevqa túzeý mekemesine baratyn jalǵyz adam - ózi.
"Mundai qaýesetter BAQ-ta film jariialanǵannan keiin tarady. Adamdar Bishimbaev túrmede emestei, jazasyn ótep jatpaǵandai túsinsin dep, sózderdi qubyltqan. Meniń oiymsha, olar muny ádeii jasady. Onyń ústine mekemege, oǵan baratyn jalǵyz men bolsam da, meni suhbatqa shaqyrǵan joq", - dedi qorǵaýshy.
Aita keteiik, biyl 26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
Áielin óltirgeni úshin 24 jylǵa qamaýǵa alynǵan Qýandyq Bishimbaev eń joǵary qaýipsizdik mekemesinde jazasyn ótep jatyr.
Buǵan deiin QAJK ókilderi koloniiada eks-ministr úshin qolaily oryn áli bos emes ekenin, sondyqtan jumysqa turmaǵanyn málimdedi.
