Eks-ministr Qýandyq Bishimbaevqa qatysty birinshi qylmystyq iste atalǵan Qyzylordadaǵy shyny zaýytynyń qazirgi jaǵdaiy aityldy, - dep habarlaidy Dalanews.kz.
Úkimet basshysy Oljas Bektenovtiń Qyzylorda oblysyna sapary aiasynda oǵan zaýyttyń tabysy týraly esep berildi.
Oblys ákiminiń orynbasary Ardaq Zebeshev premer-ministrge óńirdegi ónerkásiptiń damýy týraly baiandady. 2024 jylǵy 5 aida ekonomikanyń osy sektory 6,3 paiyz ósim kórsetken. 2024-2028 jyldar aralyǵynda 8,4 myń jumys ornyn quryp, jalpy somasy 1,1 trln teńgege 76 jobany iske asyrý kózdelgen.
"Biyldyń ózinde 32,4 mlrd teńge somasyna 15 joba iske qosylmaq. Shyny zaýytynyń iske qosylýy damýǵa airyqsha serpin berdi, onda qazirgi tańda shyny klasterin qurý jumystary bastaldy. Kásiporyn jumys istegen ýaqyt ishinde 27,3 mlrd teńge somasyna 20,8 mln m2 shyny óndirildi. Búginde kásiporyn $15 mln kólemindegi óz qarajatyna qýaty jylyna 5 mln m2 bolatyn energiia únemdeitin shyny shyǵaratyn jańa jelini iske qosty", - dep jazylǵan málimette.
Aita keteiik, birneshe jyl buryn Ulttyq ekonomika ministrliginiń burynǵy basshysy Qýandyq Bishimbaevqa osy shyny zaýytyn salý kezinde 1,2 mlrd teńgeni zańsyz urlaý shemasyn uiymdastyrýǵa tyrysty degen aiyp taǵyldy. Bul týraly Bishimbaev isi boiynsha negizgi sot talqylaýy kezinde prokýrorlar usynǵan aiyptaý aktisinde aityldy.
