ەكس-مينيستر قۋاندىق بيشٸمباەۆقا قاتىستى بٸرٸنشٸ قىلمىستىق ٸستە اتالعان قىزىلورداداعى شىنى زاۋىتىنىڭ قازٸرگٸ جاعدايى ايتىلدى, - دەپ حابارلايدى Dalanews.kz.
ٷكٸمەت باسشىسى ولجاس بەكتەنوۆتٸڭ قىزىلوردا وبلىسىنا ساپارى اياسىندا وعان زاۋىتتىڭ تابىسى تۋرالى ەسەپ بەرٸلدٸ.
وبلىس ەكٸمٸنٸڭ ورىنباسارى ارداق زەبەشەۆ پرەمەر-مينيسترگە ٶڭٸردەگٸ ٶنەركەسٸپتٸڭ دامۋى تۋرالى باياندادى. 2024 جىلعى 5 ايدا ەكونوميكانىڭ وسى سەكتورى 6,3 پايىز ٶسٸم كٶرسەتكەن. 2024-2028 جىلدار ارالىعىندا 8,4 مىڭ جۇمىس ورنىن قۇرىپ, جالپى سوماسى 1,1 ترلن تەڭگەگە 76 جوبانى ٸسكە اسىرۋ كٶزدەلگەن.
"بيىلدىڭ ٶزٸندە 32,4 ملرد تەڭگە سوماسىنا 15 جوبا ٸسكە قوسىلماق. شىنى زاۋىتىنىڭ ٸسكە قوسىلۋى دامۋعا ايرىقشا سەرپٸن بەردٸ, وندا قازٸرگٸ تاڭدا شىنى كلاستەرٸن قۇرۋ جۇمىستارى باستالدى. كەسٸپورىن جۇمىس ٸستەگەن ۋاقىت ٸشٸندە 27,3 ملرد تەڭگە سوماسىنا 20,8 ملن م2 شىنى ٶندٸرٸلدٸ. بٷگٸندە كەسٸپورىن $15 ملن كٶلەمٸندەگٸ ٶز قاراجاتىنا قۋاتى جىلىنا 5 ملن م2 بولاتىن ەنەرگييا ٷنەمدەيتٸن شىنى شىعاراتىن جاڭا جەلٸنٸ ٸسكە قوستى", - دەپ جازىلعان مەلٸمەتتە.
ايتا كەتەيٸك, بٸرنەشە جىل بۇرىن ۇلتتىق ەكونوميكا مينيسترلٸگٸنٸڭ بۇرىنعى باسشىسى قۋاندىق بيشٸمباەۆقا وسى شىنى زاۋىتىن سالۋ كەزٸندە 1,2 ملرد تەڭگەنٸ زاڭسىز ۇرلاۋ سحەماسىن ۇيىمداستىرۋعا تىرىستى دەگەن ايىپ تاعىلدى. بۇل تۋرالى بيشٸمباەۆ ٸسٸ بويىنشا نەگٸزگٸ سوت تالقىلاۋى كەزٸندە پروكۋرورلار ۇسىنعان ايىپتاۋ اكتٸسٸندە ايتىلدى.
