Áleýmettik jelide Qýandyq Bishimbaev Astanadaǵy tergeý izoliatorynda kamerada birge otyrǵan adammen tóbelesip, ony pyshaqtaǵany týraly aqparat tarady, dep habarlaidy Dalanews.kz.
Biraq eks-ministrdiń advokaty Leila Ramazanovanyń sózinshe, bul - jalǵan aqparat. Bul týraly ol Orda.kz tilshilerine aitqan. Qoǵamdyq qorǵaýshy Baýyrjan Mýsin de bul aqparatty teriske shyǵardy.
"Qazir ǵana QAJD basshysyna habarlastym, ol mundai jaǵdai tirkelmegenin aitty", deidi ol.
Sonymen qatar, advokattyń sózinshe, apelliatsiia sheshimi kúshine engennen keiin Bishimbaev "Arshaly" koloniiasyna aýystyrýy múmkin.
Eske salaiyq, 26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
