الەۋمەتتىك جەلىدە قۋاندىق بيشىمبايەۆ استاناداعى تەرگەۋ يزولياتورىندا كامەرادا بىرگە وتىرعان اداممەن توبەلەسىپ، ونى پىشاقتاعانى تۋرالى اقپارات تارادى، دەپ حابارلايدى Dalanews.kz.
ءبىراق ەكس-مينيستردىڭ ادۆوكاتى لەيلا رامازانوۆانىڭ سوزىنشە، بۇل - جالعان اقپارات. بۇل تۋرالى ول Orda.kz تىلشىلەرىنە ايتقان. قوعامدىق قورعاۋشى باۋىرجان مۋسين دە بۇل اقپاراتتى تەرىسكە شىعاردى.
"ءقازىر عانا قاجد باسشىسىنا حابارلاستىم، ول مۇنداي جاعداي تىركەلمەگەنىن ايتتى"، دەيدى ول.
سونىمەن قاتار، ادۆوكاتتىڭ سوزىنشە، اپەللياسيا شەشىمى كۇشىنە ەنگەننەن كەيىن بيشىمبايەۆ "ارشالى" كولونياسىنا اۋىستىرۋى مۇمكىن.
ەسكە سالايىق، 26 ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىستىڭ اپەللياسيالىق سوت وتىرىسى بولعان ەدى. الايدا ولاردىڭ اپەللياسيالىق ءوتىنىشى قاناعاتتاندىرىلمادى.
قۋاندىق بيشىمبايەۆ 24 جىلعا، ءىنىسى باقىتجان بايجانوۆ 4 جىلعا سوتتالعان بولاتىن.
