Astanada eks-ministr Qýandyq Bishimbaevty ustaý kezinde alǵash tergeý júrgizgen politseiler jazalandy, - dep habarlaidy Dalanews.kz Tengrinews.kz-ke siltep.
Aita keteiik, politsiia qyzmetkeri Bishimbaevty ustaǵan kezinde Saltanat Núkenovaǵa qatysty "osy jaǵdaiǵa jetkizgen ózi me?" dep suraǵan bolatyn. Bul politseidiń jetonyna túsip qalǵan. Al video 8 sáýirde sot talqylaýy barysynda kórsetildi.
IIM málimetinshe, qyzmettik tártipti buzǵany úshin Astana patrýldik politsiia polki qyzmetiniń inspektoryna sógis jariialanǵan.
Eske salaiyq, Bishimbaev isine qatysty sońǵy sot otyrysy 13 mamyrda ótti. Úkim boiynsha Qýandyq Bishimbaev 24 jylǵa, Baijanov 4 jylǵa sottaldy.
