Táýelsiz jýrnalist Dina Elgezek eks-ministr Qýandyq Bishimbaevtyń isine qatysty pikir bildirdi, - dep habarlaidy Dalanews.kz.
Belsendi qoǵamdy dúrliktirgen bul isti "ultymyzdyń tragikomediiasy" dep atady.
"Bul - bizdi basqaryp otyrǵan ury júieniń naq kórinisi. Irip-shirigen júieniń kórinisi dep aitýǵa bolady. Qýandyqtyń ómirin alaiyqshy mysaly, 40-tan asyp ketken jigit. Ómiri qalai bastaldy? Qazir túrmede.
Qýandyq keremet tasyp bara jatqan aqylynan, asyp bara jatqan biliminen úlken qyzmetterdi ielengen joq. Ol kóp jyl boiy bilik elitasynyń quramyna kirdi. Jiyrma-otyz jyldar boiy. Ekonomika ministri qyzmetin atqardy, uzaq jyl Kárim Másimovtiń qasynda júrdi, agenttikterdi basqardy. Iaǵni 20-30 jyl boiy elimizdi basqarǵan elitanyń quramynda boldy", - dedi jýrnalist Barys Media-ǵa bergen suhbatynda.
Sondai-aq, Dina Elgezek Bishimbaevtyń asyǵy nege alshysynan túskeni jóninde tyń derek aitty.
"Sebebi ol - Nazarbaevtyń dosynyń uly. Nazarbaevtyń dosynyń uly bolǵandyqtan, ol eshqashan qyzmetten túsken joq, eń bai baǵlan jigitterdiń biri boldy. Onyń túkirigi jerge túsken joq.
Bir kúni qyzmette júrip, Nazarbaevqa qatysty tilinen jańylyp, durys emes informatsiia aityp qoiady. Sol Nazarbaevtyń qulaǵyna jetedi. Odan keiin dereý arada jemqorlyq baby boiynsha qylmystyq is qozǵalady, 10 jylǵa sottalyp ketedi.
10 jylǵa sottalyp ketken adamdy Nazarbaevtyń dosynyń uly bolǵandyqtan, eki-aq jyl túrmede otyrǵyzady da shyǵaryp jiberedi. Olarǵa zań joq, zań júrmeidi. Bes taýyq urlap, bes jylǵa sottalyp ketken jigitter bar eken. Bizdiń júieniń irip-shirigendiginiń kórinisi.
Ol bir ret úilenedi, tastaidy, ekinshi ret úilenedi, tastaidy, úshinshi ret úilengende Saltanatty áieldikke alady. Bireýdiń úlpildep otyrǵan qyzyn aiýandyqpen óltiredi", - dedi belsendi Barys Media-ǵa bergen suhbatynda.
Aita keteiik, byltyr Qýandyq Bishimbaev áielin uryp óltirdi degen kúdikpen qamaýǵa alyndy. Qazir sot otyrysy ótip jatyr. Burynǵy ulttyq ekonomika ministri Qýandyq Bishimbaevtyń bul birinshi qylmystyq isi emes.
Ol 2018 jylǵy naýryzda 10 jylǵa bas bostandyǵynan aiyrylǵan bolatyn. Burynǵy sheneýnik para alý jáne aqsha jymqyrý isterinde aiypty dep tanylǵan edi. Bishimbaevtyń sot isi tórt aidan asa ýaqytqa sozyldy. Onymen birge bul iste 22 adam sotqa tartylǵan edi. Olar "Báiterek DEVELOPMENT" AQ eks-qyzmetkerleri, kásipkerler jáne qurylys kompaniialarynyń ókilderi boldy. Eks-sheneýnik 10 jylǵa sottalsa da, týra 19 ai ótkende bostandyqqa shyqty.
Abzal Quspan onyń bulai erte bosap shyǵýynyń qandai qupiiasy bar ekenin aitty.
"Merziminen buryn bosatýdyń eki formasy bar, birinshisi - merziminen buryn bosatý, ekinshisi - jeńil jazaǵa aýystyrý. Osy eki dúnie sybailas jemqorlyq sipatyndaǵy qylmystyq isterge qatysty qoldanylmaidy. Prezident janyndaǵy komissiia áli bar, dál qazir qalai jumys istep jatqanyn bilmeimin. Eks-prezidenttiń tusynda ol qatty jumys jasady.
Sottar myna jaqtan kinásin dáleldep, aq ter, kók ter bolyp, isti qylyp, adamdy sottaidy. Ol kezde Nazarbaevtan keshirim suraǵan sheneýnikter shyǵyp ketetin edi. Keshirim suramaǵan adamdar Ekspoǵa qatysty sottalǵan Ermegiiaev siiaqty áli kúnge jazasyn ótep jatyr.
Odan da zor qylmys jasaǵan adamdar búgin keshirim surap, ertesi kúni bosap ketken jaiy bar. Sondyqtan Bishimbaev merziminen buryn bosap shyqqan joq, prezidentten keshirim surap, prezidenttiń janyndaǵy komissiia arqyly bosap shyqty", - dep túsindirdi zańger Usbanov ARNASY-na bergen suhbatynda.
