Bıshimbaev Saltanatty shashynan súırep, tepkilegen kadrlar kórsetildi

Kórkem Aldabergenova 03 sáý. 2024 17:43 36447

Sotta Qýandyq Bıshimbaevtyń Saltanatty soqqyǵa jyqqan sátteri kórsetildi, - dep habarlaıdy Dalanews.kz.

Sot otyrysynda 9 qazanda meıramhanada bolǵan sátter kórsetilgen. Tańerteń saǵat 07.16-da bolǵan jaǵdaıda Bıshimbaev Saltanatpen lıftten shyǵyp, Núkenovanyń shashynan súıreıdi.

Artynsha aıaǵymen teýip, Núkenova jerge qulap, jatady. Qaıtadan shashynan tartyp, betinen uryp jibergen. Núkenova basymen qabyrǵaǵa qaraı soǵylyp ketedi.

Sodan keıin QÝandyq Bıshimbaev alǵa qaraı júrip, qaıtadan Saltanat turǵan jerge qaraı artqa baryp, shashynan súıreı túsedi.

Bıshimbaev Saltanatty ornynan turǵyzyp, sóılese bastaıdy.

Artynsha qaıtadan Saltanattyń shashynan súırep, dárethanaǵa qaraı alyp ketedi.

Saǵat 07.19-da dárethana jaqtan Saltanattyń shashynan súırep shyǵaryp, vıp-bólmege qaraı alyp ketedi.

27 naýryzda eks-mınıstr Qýandyq Bıshimbaevtyń isi boıynsha alqabıler tańdalǵan edi. Alqabıler alqasyna 12 adam irikteldi: 10 – negizgi quram, 2 – qosalqy. Sodan keıin ashyq sot otyrystary bastaldy.

Sonymen qatar, Qýandyq Bıshimbaev sotta Saltanat Núkenovany asa qatygezdikpen óltirgenin moıyndamady. Bul oqıǵa 2023 jyly 9 qarashada Astana qalasyndaǵy BAU meıramhanasynda boldy.

Buǵan deıingi sózinde Bıshimbaev dárethanada qandaı oqıǵa bolǵanyn aıtqan edi.

"Ol "maǵan bergen syılyqtaryńa ishiń ashıtyn shyǵar" dedi. "Olar maǵan nege kerek?" dedim. "Bárin qaıtaramyn" dedi. "Qaıtarýdyń qajeti joq, kerek bolmasa, laqtyryp tasta" dedim. Sol sátte oǵan ne bolǵanyn bilmeımin. Ol maǵan qarama-qarsy otyrdy. Meniń kózimshe syrǵasyn, neke júzigin, saǵatyn, bilezikterin sheshe bastady da, dárethanaǵa laqtyryp tastady. Bárin shyn júrekpen syılaǵanmyn. Men tańǵaldym, áreketterine qarap, sóıleı almaı qaldym. Ne isterimdi bilmedim. "İshetin birdeńe ákeleıin" dep dárethanadan shyǵyp kettim. "Iá, alyp kel" dedi", - dedi ol.

Bıshimbaevtyń aıtýynsha, kelgen kezde esik jabyq ekenin kórgen.


Usynylǵan
Sońǵy jańalyqtar
x