Eks-mınıstr Qýandyq Bıshimbaev sot otyrysynda Saltanatqa qatysty erotıkalyq vıdeo týraly óz nusqasyn aıtty, - dep habarlaıdy Dalanews.kz.

Buǵan deıin Bıshimbaev Saltanat Núkenovaǵa pornografıalyq vıdeolardy kórsetip, vıdeodaǵy sen emes pe dep surap, qysym kórsetkeni aıtylǵan bolatyn.

«Maǵan telegram-arnaǵa silteme kelip, «Myna vıdeony ashsańyz áıelińizge uqsaıtyn adamdy kóresiz» dep jazylyp turdy. Bul túnde bolǵan jaǵdaı. Men tańǵalyp, aqtaryp, erotıkalyq vıdeony kórdim. Vıdeodaǵy qyz qatty uqsaıdy. Túri kórinbedi, biraq qatty uqsaıdy. Men Saltanatqa vıdeony kórsetip «Keshirshi, nege maǵan mynany jiberip jatyr?» dep suradym», - deıdi Qýandyq Bıshimbaev.

Bıshimbaev Saltanattan vıdeodaǵy kim ekenin túsindirýdi suraǵan. Onyń sózinshe, bul oqıǵa olar úılengennen keıin 10 kúnnen soń bolǵan.

«Otbasylyq ómirimiz osylaı bastaldy. Ol vıdeodaǵy ol emes ekenin aıtqanyna sengenim túsinikti», - deıdi Bıshimbaev.

Eske salaıyq, aldyn ala tyńdaý barysynda prokýror eks-mınıstr men marqum áıeliniń qarym-qatynasyna qatysty jantúrshigerlik málimetterdi aıtqan bolatyn.

«Bıshimbaev qyzǵanshaq bolǵany sonshalyq Saltanatqa pornografıalyq vıdeolardy kórsetip, «bul sen emes pe?» dep suraǵan», - degen edi prokýror.