Qýandyq Bishimbaev Saltanat Núkenova qaitys bolǵan túni ne úshin kóripkelge habarlasqanyn túsindirdi, - dep habarlaidy Dalanews.kz.
Bishimbaev qaiǵyly oqiǵa bolǵan túni jedel járdem shaqyrýdyń ornyna habarlasqan kóripkel 1,5-2 jyldan beri Shymkentte turatynyn aitty.
"Bizneske qatysty suraqtarǵa bailanysty habarlasyp turatynmyn. Onyń meditsinalyq bilimi bar-joǵyn bilmeimin. Oǵan senetinmin", - deidi Bishimbaev.
Sonymen qatar, eks-ministr qaiǵyly oqiǵa bolǵan túni nelikten basqa qalada júrgen kóripkelge habarlasqanyn túsindirdi.
"Siz (advokat) Saltanat meditsinalyq kómekke zárý bolyp jatqanda deisiz. Meniń túsinigimde ol (Saltanat) uiyqtap jatqan bolatyn. Men oǵan (kóripkelge) sengenmin dep aittym. Betinde sol jaǵynda kógerip turǵan jer úlkeie bastady. Ol qaidan shyqqanyn suraiyn dedim. Kóripkel "bári durys, keshke deiin uiyqtasyn, sharshaǵan ǵoi" dedi", - deidi Bishimbaev.
