Prokýror Saiahat Nurbekov Qýandyq Bishimbaevqa nege 24 jyl berilgenin jáne eks-ministr ne úshin ómir boiyna sottalmaǵanyn túsindirdi, - dep habarlaidy Dalanews.kz.
"Bishimbaevqa túpkilikti 24 jylǵa bas bostandyǵynan aiyrý jazasy taǵaiyndaldy. Sony suradyq. Bishimbaev jazasyn qaýipsizdik deńgeii barynsha qatań mekemede óteidi. Sebebi ol buryn da sottalǵan. Al Baijanovqa 4 jyl bas bostandyǵynan aiyrý jazasyn suradyq. Ol jazasyn qaýipsizdigi ortasha mekemede óteidi", - deidi prokýror.
Sonymen qatar, prokýror Bishimbaev nelikten ómir boiyna sottalmaǵanyn túsindirdi.
"Respýblika boiynsha keiingi bes jylda mundai isterde ómir boiyna bas bostandyǵynan aiyrý jazasy taǵaiyndalmaǵan", - deidi prokýror Saiahat Nurbekov.
Eske salaiyq, búgin Bishimbaev isine qatysty sońǵy sot otyrysy ótti. Úkim boiynsha Qýandyq Bishimbaev 24 jylǵa, Baijanov 4 jylǵa sottaldy.
