Qýandyq Bishimbaevqa qatysty iste memlekettik aiyptaýshy bolǵan Aijan Aimaǵanova men Saiahat Nurbekov Respýblika kúnine orai marapattarǵa ie boldy, - dep habarlaidy Dalanews.kz.
Respýblika kúnin merekeleý qurmetine Bas prokýratýrada saltanatty jinalys ótti. Bas Prokýror Berik Asylov óz sózinde memlekettik egemendik týraly deklaratsiianyń tarihi mańyzdylyǵyn atap ótip, ótken jyldar ishinde Qazaqstan táýelsiz memleketten ozyq álemdik standarttarǵa sai keletin damyǵan quqyqtyq júiesi bar elge deiingi joldan ótkenin atap ótti.
Jyl basynan beri prokýrorlar ekonomikaǵa salymy 9,1 trln teńgeni quraityn 411 investorǵa (Túrkiia, BAÁ, Qytai, Germaniia jáne t.b.) kómek kórsetti. Sondai-aq, Memleket basshysynyń tapsyrmalaryn oryndaý úshin prokýratýranyń úilestirýimen elge 1,7 trln teńgeden astam qarajat qaitaryldy, 22 mlrd teńgege 498 myń ga oligopoliia jeri tárkilendi.
Bas Prokýror mundai nátijelerge prokýratýra organdarynyń árbir qyzmetkeriniń joǵary moraldyq qasietteri jáne olardyń «Zań jáne Tártip» tujyrymdamasyn qyzmettik boryshyn oryndaý kezinde naqty ustanýy yqpal etetinin atap ótti.
Ulttyq mereke qarsańynda Memleket basshysynyń Jarlyǵymen birqatar prokýrorlardyń zańdylyqty jáne quqyq tártibin nyǵaitýdaǵy eńbegi memlekettik nagradalarmen atap ótildi.
Sondai-aq, Bas Prokýrordyń buiryǵymen qyzmettik boryshyn úlgili oryndaǵany úshin prokýratýranyń erekshe kózge túsken qyzmetkerleri men jumyskerleri vedomstvolyq medaldarmen jáne alǵys hattarmen marapattaldy.
Bas prokýrordyń usynysy boiynsha Prezident Jarlyǵymen Aimaǵanova men Nurbekov "Eren eńbegi úshin" medaldarymen marapattalǵan.
Aita keteiik, eks ministr Qýandyq Bishimbaev Saltanat Núkenovanyń ólimine qatysty is boiynsha 24 jylǵa sottalǵan bolatyn.
