Қуандық Бишімбаевқа қатысты істе мемлекеттік айыптаушы болған Айжан Аймағанова мен Саяхат Нұрбеков Республика күніне орай марапаттарға ие болды, - деп хабарлайды Dalanews.kz.

Республика күнін мерекелеу құрметіне Бас прокуратурада салтанатты жиналыс өтті.  Бас Прокурор Берік Асылов өз сөзінде мемлекеттік егемендік туралы декларацияның тарихи маңыздылығын атап өтіп, өткен жылдар ішінде Қазақстан тәуелсіз мемлекеттен озық әлемдік стандарттарға сай келетін дамыған құқықтық жүйесі бар елге дейінгі жолдан өткенін атап өтті.

Жыл басынан бері прокурорлар экономикаға салымы 9,1 трлн теңгені құрайтын 411 инвесторға (Түркия, БАӘ, Қытай, Германия және т.б.) көмек көрсетті. Сондай-ақ, Мемлекет басшысының тапсырмаларын орындау үшін прокуратураның үйлестіруімен елге 1,7 трлн теңгеден астам қаражат қайтарылды, 22 млрд теңгеге 498 мың га олигополия жері тәркіленді.

Бас Прокурор мұндай нәтижелерге прокуратура органдарының әрбір қызметкерінің жоғары моральдық қасиеттері және олардың «Заң және Тәртіп» тұжырымдамасын қызметтік борышын орындау кезінде нақты ұстануы ықпал ететінін атап өтті.

Ұлттық мереке қарсаңында Мемлекет басшысының Жарлығымен бірқатар прокурорлардың заңдылықты және құқық тәртібін нығайтудағы еңбегі мемлекеттік наградалармен атап өтілді.

Сондай-ақ, Бас Прокурордың бұйрығымен қызметтік борышын үлгілі орындағаны үшін прокуратураның ерекше көзге түскен қызметкерлері мен жұмыскерлері ведомстволық медальдармен және алғыс хаттармен марапатталды.

Бас прокурордың ұсынысы бойынша Президент Жарлығымен Аймағанова мен Нұрбеков "Ерен еңбегі үшін" медальдарымен марапатталған.

Айта кетейік, экс министр Қуандық Бишімбаев Салтанат Нүкенованың өліміне қатысты іс бойынша 24 жылға сотталған болатын.