Eks-ministr Qýandyq Bishimbaevtyń soty arqyly qoǵamǵa keńinen tanylǵan prokýror Aijan Aimaǵanova Talǵarda qaza tapqan Sherzat Bolattyń isine qatysty pikir bildirdi, - dep habarlaidy Dalanews.kz
Memlekettik aiyptaýshynyń sózinshe, bul iske onyń da qabyrǵasy qaiysqan.
«Bizdiń jazbanyń astyna jáne aidarymyzǵa sizderden Sherzattyń isi boiynsha kóp suraqtar túsýde. Árine, men de Sherzattyń isine alańdaimyn, bul is meniń de júregimdi qozǵady, biraq - bári zańǵa sáikes bolady. Biz bir qaǵidany túsiný kerekpiz: árbireýimiz óz ornymyzda eńbektenýimiz kerek, óz jumysymyzdy adal atqarý ol mindet. Men senimdimin, Almaty oblystaǵy meniń áriptesterim óz jumysyń adal atqarýda», - dedi ol.
Eske salaiyq, 9 jeltoqsanda Almaty oblysynda Sherzat Bolattyń aǵasy Nurqanat Ǵaiypbaev óli tabylǵan edi. Politsiia departamentiniń aldyn ala derekteri boiynsha ol sýitsid jasaǵan. Oǵan dálel retinde politseiler Nurqanattyń týysyna messendjer arqyly jazǵan hatyn jariia etti.
Al jerleý rásiminen soń Sherzattyń ákesi ustalyp, politsiia bólimine jetkizildi. Keiin sot sheshimi shyǵyp, ol 15 táýlikke qamaldy.
Sherzat Bolattyń ózge de týystaryna qatysty sot úkimi shyqty. Onyń ishinde Sherzattyń ápkeleri de bar.
