ەكس-مينيستر قۋاندىق بيشىمبايەۆتىڭ سوتى ارقىلى قوعامعا كەڭىنەن تانىلعان پروكۋرور ايجان ايماعانوۆا تالعاردا قازا تاپقان شەرزات بولاتتىڭ ىسىنە قاتىستى پىكىر ءبىلدىردى، - دەپ حابارلايدى Dalanews.kz

مەملەكەتتىك ايىپتاۋشىنىڭ سوزىنشە، بۇل ىسكە ونىڭ دا قابىرعاسى قايىسقان.

«ءبىزدىڭ جازبانىڭ استىنا جانە ايدارىمىزعا سىزدەردەن شەرزاتتىڭ ءىسى بويىنشا كوپ سۇراقتار تۇسۋدە. ارينە، مەن دە شەرزاتتىڭ ىسىنە الاڭدايمىن، بۇل ءىس مەنىڭ دە جۇرەگىمدى قوزعادى، ءبىراق - ءبارى زاڭعا سايكەس بولادى. ءبىز ءبىر قاعيدانى ءتۇسىنۋ كەرەكپىز: اربىرەۋىمىز ءوز ورنىمىزدا ەڭبەكتەنۋىمىز كەرەك، ءوز جۇمىسىمىزدى ادال اتقارۋ ول مىندەت. مەن سەنىمدىمىن، الماتى وبلىستاعى مەنىڭ ارىپتەستەرىم ءوز جۇمىسىڭ ادال اتقارۋدا»، - دەدى ول.

ەسكە سالايىق، 9 جەلتوقساندا الماتى وبلىسىندا شەرزات بولاتتىڭ اعاسى نۇرقانات عايىپبايەۆ ءولى تابىلعان ەدى. پوليسيا دەپارتامەنتىنىڭ الدىن الا دەرەكتەرى بويىنشا ول سۋيسيد جاساعان. وعان دالەل رەتىندە پوليسەيلەر نۇرقاناتتىڭ تۋىسىنا مەسسەندجەر ارقىلى جازعان حاتىن جاريا ەتتى.

ال جەرلەۋ راسىمىنەن سوڭ شەرزاتتىڭ اكەسى ۇستالىپ، پوليسيا بولىمىنە جەتكىزىلدى. كەيىن سوت شەشىمى شىعىپ، ول 15 تاۋلىككە قامالدى.

شەرزات بولاتتىڭ وزگە دە تۋىستارىنا قاتىستى سوت ۇكىمى شىقتى. ونىڭ ىشىندە شەرزاتتىڭ اپكەلەرى دە بار.