Saltanat qaitys bolǵan túni Qýandyq Bishimbaevpen sóilesken bloger Gúlnara Nasyrbekova sotta sóz sóilep jatyr, - dep habarlaidy Dalanews.kz.
Onyń sózinshe, Bishimbaev ekeýi golf klýbtyń múshesi eken.
"Bishimbaev 3 qarashada meni golf oinaýǵa shaqyrdy. (...) Biraq 8 qarashada kezdesemiz dep sheshtik. Artynsha 9 qarashada kezdesemiz dep sheshtik. Men keshke qurbylarymmen monshaǵa baratyndyqtan, 9 qarashada tústen kezdesemiz dedik", - deidi Gúlnara Nasyrbekova.
Artynsha Gúlnara taksige tapsyrys berip, BAU meiramhanasyna kelgen.
"Ortalyq esik jabyq turdy. Habarlastym, ol (Bishimbaev) ashana jaqtan shyǵyp, vip-bólme jaqqa apardy. Bastapqyda týrnir týraly sóilese bastadyq. Meniń blogym, jarnama týraly surai bastady. Negizi jarnama jasamaitynmyn. Meniń qyzym bar, onyń óziniń blogy bar. "Biz qyzyńyzben jumys istep kórsek" dedi. Muny estip birtúrli bolyp qaldym", - deidi bloger.
Onyń sózinshe, olar áńgimelesip otyrǵan kezde Bishimbaev birneshe ret syrtqa shyǵyp kelgen.
Aita keteiik, Bishimbaev Nasyrbekovamen Saltanat vip-bólmede jatqan kezinde kezdesken. Saltanat Núkenovanyń aǵasy Qairat Núkenov 2023 jyly suhbattarynyń birinde Bishimbaev qylmysty jasyryp qalýǵa tyrysqanyn aitqan bolatyn. Onyń sózinshe, Bishimbaev meiramhanaǵa Saltanatqa uqsaityn áieldi - Gúlnara Nasyrbekovany ádeii ákelgen. Jábirlenýshi tarap, Bishimbaev Nasyrbekovaǵa Saltanattyń kiimderin kigizip, áshekeilerin taǵyp, meiramhanadaǵy beinebaqylaý kameralaryna túsirip, BAU meiramhanasynan shyǵyp ketýine kóndirmek bolǵan.
