Bas prokýratýra áielin óltirdi degen aiyp taǵylyp otyrǵan eks-ministr Qýandyq Bishimbaevtyń isine qatysty mańyzdy málimdeme jasady, - dep habarlaidy Dalanews.kz.
Quzyrly organ málimetinshe, media-keńistikte Qýandyq Bishimbaevqa qatysty qylmystyq is boiynsha sotqa deiingi tergep-tekserý nátijelerine kúmán keltiretin materialdar jariialanyp jatyr.
"Mundai málimetterdi taratý onyń naqty is boiynsha obektivti jáne ádil sot tóreligin júzege asyrýyna kedergi jasaý maqsatynda sotqa áser etý nysany retinde baǵalanýy múmkin. Qazaqstan Respýblikasy Qylmystyq kodeksiniń 407-babyna sáikes sottyń qyzmetine aralasýǵa jol berilmeidi jáne ondai áreket úshin jazalanady.
Kórineý jalǵan málimetterdi taratqany úshin Qazaqstan Respýblikasy Qylmystyq kodeksiniń 274-baby boiynsha qylmystyq jaýaptylyq kózdelgen", - dep eskertti prokýratýra ókilderi.
Osyǵan bailanysty Bas prokýratýra azamattar men BAQ-ty zańdylyqty saqtaýǵa shaqyrdy, qylmystyq quqyqbuzýshylyqtar jasaýmaýǵa keńes berip, sottyń qyzmetine aralaspaýdy eskertti.
Eske salaiyq, byltyr Qýandyq Bishimbaev áieli Saltanat Núkenovany óltirdi degen kúdikpen qamaýǵa alynǵan edi. Oqiǵa 2023 jyly 9 qarashada Astana qalasyndaǵy BAU meiramhanasynda boldy.
Al biyl 11 jáne 12 naýryzda aldyn ala tyńdaý ótti. Eks-ministr sot otyrysy barysynda tosyn málimdeme jasady. Tipti ol taǵylǵan aiypty moiyndamaitynyn da aitty.
