Apelliatsiialyq alqa 12 qarashada Qýandyq Bishimbaevty ata-ana quqyǵynan aiyrý týraly shaǵymmen onyń burynǵy áieliniń talap aryzyn qarady. Sot málimetinshe, eks-ministr balalarynyń tegin ózgertýine qarsy bolmady,- dep habarlaidy Dalanews.kz.
Nazym Qaharman sotta Bishimbaevty ata-ana quqyǵynan aiyrýdy surady. Onyń sózinshe, balalary ákesi qylmystyq jaýapkershilikke tartylýyna, qoǵam tarapynan buqaralyq aqparat quraldarynda jaǵymsyz aqparattar jariialanýyna bailanysty psihologiialyq turǵyda ózderin jaisyz sezinedi.
"Birinshi satydaǵy sottyń sheshimimen talapty qanaǵattandyrýdan bas tartyldy, óitkeni jaýapker balalarǵa qatysty mundai áreketterge jol bermedi. Qylmystyq quqyqbuzýshylyq otbasy múshesine qatysty jasalǵan joq. Sondai-aq, sot ákesiniń balalardyń tegin ózgertýge kelisimin eskerip, talapkerge osy máselemen AHAT organyna júginý quqyǵyn túsindirdi.
Bul sheshimge talapker shaǵymdandy. Apelliatsiialyq saty kezinde jaýapker balalardyń tegin ózgertýge jáne shetelge shyǵýyna kelisim berdi. Apelliatsiialyq saty sot sheshimin ózgerissiz qaldyrdy. Sot aktisi zańdy kúshine endi",- dep jazylǵan elordalyq sottyń baspasóz qyzmetiniń habarlamasynda.
