Áielin óltirdi dep aiyptalǵan eks-ministr Qýandyq Bishimbaev 24 jylǵa sottaldy. Bul is búkil eldi dúr silkindirdi. Qoǵamda Bishimbaev isine túrli baǵa berilip jatyr. Jýrnalist Gúljan Erǵalieva áleýmettik jelide bul isti "arnaiy qurylǵan jospar" dep atady, - dep habarlaidy Dalanews.kz.
"Bishimbaev isi joǵary bilikte otyrǵandardyń jaqsy josparlanǵan jobasy bolyp shyqty. Birinshiden, sot otyrysy bastalardan bir ai buryn sottalýshynyń advokattarymen "kútpegen" suhbat júrgizgen kezde sony sezdim jáne bul olardyń josparyn tas talqan ete jazdady.
Bul úshin olar maǵan bottar jiberdi. Elmediadaǵy "Delo Bishimbaeva - eto Belyi shým" atty shyǵarylymymyzda olardyń jospary qandai bolǵanyn, iaǵni psihologiialyq aila-sharǵy jasaý arqyly eldegi sý tasqynynan nemese otbasylyq bankter elden milliardtaǵan dollardy alyp ketýi sekildi mańyzdy máselelerden halyq nazaryn burý bolǵanyn aittym.
Sonymen qatar, bireýlerge osy protsesti óz qolyna alý úshin turmystyq zorlyq-zombylyq týraly zańdy tezirek engizý kerek edi, oǵan qosa olardyń qolynda bilik pen qoǵamǵa, sonyń ishinde áielderin uryp-soǵatyn basqarýshy elitaǵa áser etý tetikteri bolýy kerek edi. Mysaldar ile-shala shyǵa bastady - diplomattyń áieli men aýdan ákiminiń áieli shaǵymdaryn aitty. Bul - tek bastamasy. Sonymen qatar, bireý Toqaevty halyq pen álemge eldegi "sot reformasyn" qoǵamdyq protsestiń mysalynda saiasi is emes, turmystyq zorlyq-zombylyq isi boiynsha kórsetip, olardyń Jańa Qazaqstanǵa senimin qalyptastyrý kerek dep sendirdi", - dep jazdy ol.
Jýrnalist reseilikterdiń bul iske "erekshe" nazar aýdarýy tegin dúnie emes dep topshylap otyr.
"Olar óz josparynyń salmaǵyn arttyrý úshin úshin Reseidi, sonyń ishinde Resei Federatsiiasynyń arnaiy propagandamen ainalysatyn qyzmetterine júgindi. Olar birneshe million bot arqyly basqarylatyn aqparattyq resýrstaryn tartty. YouTube-tiń sot transliatsiiasynyń algoritmi 75 paiyz kórermen Reseiden ekenin kórsetti. Olar oǵan qosa jábirlenýshiniń týystary men advokattary qatysqan reseilik jáne bizdiń arnalardaǵy shyǵarylymdardy "kórdi", - dep jazdy Erǵalieva.
Gúljan Erǵalievanyń aitýynsha, Bishimbaev jáne onyń otbasy bilikpen kelisimge kelgen, alaida olar aldanyp qalǵan.
"Biraq eń qyzyǵy, olar Bishimbaevtardy aldady! Bilikke jaqyn toptarda taratylǵan aqparatqa sáikes, sottalýshyǵa jáne onyń otbasyna alqabiler sotyna jáne ashyq protseske kelisý úshin mámile jasaý usynylǵan. Onyń esesine Bishimbaev 15 jylǵa deiin bas bostandyǵynan aiyrý zańdy jazasyn alatyny aitylǵan. Nátijesinde transliatsiia júrgizildi, jurtshylyq arasynda qyzý talqyǵa tústi jáne qoǵamdaǵy osyndai jaǵymsyz rezonanstan qorqyp, Bishimbaevqa tolyq merzim berdi. Alaida sanaly túrde oilanatyn kez kelgen zańger 24 jyl derekter boiynsha ǵana emes, jalpy tájiribe boiynsha proportsionaldy úkim emes ekenin moiyndaidy. Bishimbaev turmystyq oqiǵaǵa qatysy bar birinshi kisi óltirýshi emes. Basqalarǵa osyǵan uqsas qylmystar boiynsha 10-12 jyl beriledi", - deidi ol.
Jýrnalist Bishimbaev isiniń qandai nátijesi bolǵanyna toqtaldy.
"Sonymen osy "Y operatsiiasy" nátijesinde ne taptyq? Birinshiden, tómengi palatanyń birqatar depýtattary kelispegen shiki zań. Endi másele, bilik soqqyǵa jyǵylǵan áielderdiń júzdegen shaǵymdaryn qalai sheshedi, endi barlyq abiýzerdi otyrǵyzý kerek emes pe ?! Biraq bul jerde bireý saiasi jaǵynan da, qarjylyq jaǵynan da jaqsy paida kórip qaldy. Ekinshiden, osy baǵyt boiynsha "maqsatty túrde" protsesti júrgizgen sýdia Qulbaevaǵa senýge bola ma? Qorǵaýshy taraptyń ótinishteri men basqa da sot quqyqtarynyń 90 paiyzyn qabyldamaǵan bul qandai protsess boldy? "Qupiia bólmede" alqabiler erkin pikir bildire aldy ma? Úshinshiden, "Bishimbaevtyń isine qyzyǵýshylyq" tanytqany úshin reseilikterge, sonyń ishinde bir is-sharasy 300 myń dollardan kem túspeitin, gonorarsyz aiaq baspaityn Kseniia Sobchakka kim milliondaǵan dollar tólegen? Halyqtyń aqshasynan tóledi me? Bul úshin kim jaýap beredi?
Aqiqaty belgisiz, qarańǵy is boiynsha osyndai tolassyz suraq qoia berýge bolady. Biraq eń bastysy, bárimizdi aldap soqty, onyń artynda turǵan "igi memlekettik múdde" úshin jeke adamǵa jáne qoǵamǵa qarsy zańsyzdyq jasaldy. Meniń oiymsha, Bishimbaevtyń Prezident Toqaevtan onyń ainalasynan bireý uiymdastyrǵan osy alaiaqtyq týraly ashyq qyzmettik tergeýdi talap etýge tolyq quqyǵy bar. Mundai jolmen, qoǵamnyń manipýliatsiiasymen halyqtyń qurmeti men senimine ie bolý durys emes!" - dep túiindedi ol.
