Sınoptıkter qys mezgilinde aýa raıy qandaı bolatynyn aıtty, dep habarlaıdy Dalanews.kz.
2025 jylǵy qarashada Qazaqstannyń basym bóliginde kóbinese qar túrindegi jaýyn-shashyn bolady dep boljanýda. Ońtústik jáne ońtústik-batys aımaqtarda qar aralas jańbyr bolady dep kútiledi. Qatty jel, burqasyn, kóktaıǵaq jáne tuman bir aı ishinde kóbinese eldiń soltústik, ortalyq jáne shyǵys aımaqtarynda bolýy múmkin.
Qarasha aıynda aýa temperatýrasynyń aýytqýy jıi baıqalady, ıaǵnı "temperatýralyq kubylýlar" kútiledi:
Respýblıkanyń soltústiginde, ortalyǵynda, shyǵysynda birinshi onkúndiktiń basynda aýa temperatýrasynyń túnde 2-7 gradýs aıazdan 0-5 gradýs jylyǵa deıin, kúndiz 2-7 gradýs jylydan 5-10 jylyǵa deıin joǵarylaýy kútiledi, onkúndiktiń sońyna qaraı túnde temperatýranyń 7-12 aıazǵa deıin, kúndiz 0-5 aıazǵa deıin birtindep tómendeýi boljanady.
Qarashanyń ekinshi jáne úshinshi onkúndiginde aýa temperatýrasynyń túnde 5-12 gradýs aıazdan 10-16 gradýs aıazǵa deıin, eldiń ortalyǵynda jáne shyǵysynda 18 aıazǵa deıin, kúndiz 3 aıaz–2 gradýs jylydan 5-10 gradýs aıazǵa deıin aýytqýy kútiledi.
Aıdyń sońynda aýa temperatýrasy túnde 15-20 gradýs aıazǵa deıin, kúndiz 10-15 gradýs aıazǵa deıin tómendeýi kútiledi.
Respýblıkanyń ońtústik-batysynda, ońtústiginde, ońtústik-shyǵysynda bir aı ishinde túngi ýaqytta aýa temperatýrasynyń 3-12 gradýs aıazdan 0-7 gradýs jylyǵa deıin, kúndiz 1-6 jylydan 8-18 jylyǵa deıin aýytqýy kútiledi. Qarasha aıynyń sońynda jekelegen kúnderi aıazdy kúnder túnde 5-15 aıazǵa deıin, kúndiz 0-5 aıazǵa deıin kúsheıýi múmkin.
Jalpy qarasha aıynda aýa temperatýrasy - eldimizdiń barlyq aımaǵynda normadan 1° joǵary bolady dep boljanady (normalar búleten kestesinde keltirilgen).
Qarasha aıynda jaýyn-shashyn mólsheri Qazaqstan aýmaǵynyń basym bóliginde norma shamasynda, eldiń batysynda, soltústik-shyǵysynda normadan kóp bolady dep boljanady (Soltústik Qazaqstan, Aqmola, Shyǵys Qazaqstan oblystarynda, Batys Qazaqstan, Pavlodar oblystarynyń basym bóliginde, Atyraý, Mańǵystaý oblystarynyń batysynda, Qostanaı oblysynyń soltústik-shyǵysynda jáne Abaı oblysynyń shyǵysynda).
Aldyn ala boljam boıynsha qys mezgili qońyrjaı jyly bolady dep kútiledi, respýblıkanyń basym bóliginde jaýyn-shashyn mólsheri klımattyq norma shamasynda boljanady. Biraq keıbir kezeńderde burqasyn, ekpindi jel, kóktaıǵaq qubylystarymen, tumandar, mol jaýyn-shashynnyń túsýi joqqa shyǵarylmaıdy. Sondaı-aq, qys mezgilinde qar jamylǵysynda muz qabyrshyǵy paıda bolýyna yqpal etetin "temperatýralyq qubylýlar" boljanady.
Jeltoqsan aıynda aýa temperatýrasy eldiń basym bóliginde norma shamasynda, respýblıkanyń soltústik-batys jartysynda normadan 1° joǵary; (Batys Qazaqstan, Atyraý, Mańǵystaý oblystarda, Aqtóbe, Qostanaı, Soltústik Qazaqstan oblystarynyń basym bóliginde, Aqmola oblysynyń soltústik-batysynda), Shyǵys Qazaqstan oblysynyń qıyr soltústik-shyǵysynda normadan 1° tómen kútiledi (Shyǵys Qazaqstan oblysynyń soltústik-shyǵysynda).
Jeltoqsan aıynda jaýyn-shashyn mólsheri respýblıka aýmaǵynyń basym bóliginde norma shamasynda, ortalyqta, eldiń shyǵysynyń basym bóliginde, Aqtóbe oblysynyń shyǵysynda, soltústik aımaqtyń ońtústik jartysynda jáne ońtústik oblystardyń qıyr soltústiginde normadan az bolady dep boljanady.
Qańtar aıynda aýa temperatýrasy respýblıka aýmaǵynyń basym bóliginde norma shamasynda, respýblıkanyń shyǵysynda normadan 1° tómen bolady dep boljanady (Abaı, Jetisý oblystarynda, Almaty oblysynyń basym bóliginde, Qaraǵandy, Pavlodar oblystarynyń shyǵysynda).
Jaýyn shashyn mólsheri respýblıka aýmaǵynyń basym bóliginde norma shamasynda, respýblıkanyń ońtústigi men ońtústik-shyǵysynyń taýly jáne taý bókterindegi aýdandarynda normadan kóp kútiledi (Túrkistan, Jambyl, Almaty, Jetisý jáne Shyǵys Qazaqstan oblystarynyń taýly jáne taý bókterindegi aýdandarynda).
Aqpan aıynda respýblıka boıynsha ortasha aılyq aýa temperatýrasy normadan 1-2°-qa joǵary bolady dep kútilýde. Respýblıkanyń búkil aýmaǵynda jaýyn-shashyn mólsheri klımattyq norma shamasynda bolady dep boljanady.
Aldyn ala boljam boıynsha naýryz aıynda temperatýra búkil el boıynsha normadan 1° joǵary bolady dep kútilýde.
Naýryz aıynda jaýyn – shashyn mólsheri respýblıkanyń basym bóliginde norma shamasynda, respýblıkanyń ońtústik jáne ońtústik-shyǵysyndaǵy taýly jáne taý bókterindegi aýdandarda normadan kóp (Túrkistan, Jambyl, Almaty oblystarynyń, Jetisý oblysynyń jáne Shyǵys Qazaqstan oblysynyń taýly jáne taý bókterindegi aýdandarynda), Mańǵystaý oblysynyń basym bóliginde normadan az boljanady.
