سينوپتيكتەر قىس مەزگىلىندە اۋا رايى قانداي بولاتىنىن ايتتى، دەپ حابارلايدى Dalanews.kz.
2025 جىلعى قاراشادا قازاقستاننىڭ باسىم بولىگىندە كوبىنەسە قار تۇرىندەگى جاۋىن-شاشىن بولادى دەپ بولجانۋدا. وڭتۇستىك جانە وڭتۇستىك-باتىس ايماقتاردا قار ارالاس جاڭبىر بولادى دەپ كۇتىلەدى. قاتتى جەل، بۇرقاسىن، كوكتايعاق جانە تۇمان ءبىر اي ىشىندە كوبىنەسە ەلدىڭ سولتۇستىك، ورتالىق جانە شىعىس ايماقتارىندا بولۋى مۇمكىن.
قاراشا ايىندا اۋا تەمپەراتۋراسىنىڭ اۋىتقۋى ءجيى بايقالادى، ياعني "تەمپەراتۋرالىق كۇبىلۋلار" كۇتىلەدى:
رەسپۋبليكانىڭ سولتۇستىگىندە، ورتالىعىندا، شىعىسىندا ءبىرىنشى ونكۇندىكتىڭ باسىندا اۋا تەمپەراتۋراسىنىڭ تۇندە 2-7 گرادۋس ايازدان 0-5 گرادۋس جىلىعا دەيىن، كۇندىز 2-7 گرادۋس جىلىدان 5-10 جىلىعا دەيىن جوعارىلاۋى كۇتىلەدى، ونكۇندىكتىڭ سوڭىنا قاراي تۇندە تەمپەراتۋرانىڭ 7-12 ايازعا دەيىن، كۇندىز 0-5 ايازعا دەيىن بىرتىندەپ تومەندەۋى بولجانادى.
قاراشانىڭ ەكىنشى جانە ءۇشىنشى ونكۇندىگىندە اۋا تەمپەراتۋراسىنىڭ تۇندە 5-12 گرادۋس ايازدان 10-16 گرادۋس ايازعا دەيىن، ەلدىڭ ورتالىعىندا جانە شىعىسىندا 18 ايازعا دەيىن، كۇندىز 3 اياز–2 گرادۋس جىلىدان 5-10 گرادۋس ايازعا دەيىن اۋىتقۋى كۇتىلەدى.
ايدىڭ سوڭىندا اۋا تەمپەراتۋراسى تۇندە 15-20 گرادۋس ايازعا دەيىن، كۇندىز 10-15 گرادۋس ايازعا دەيىن تومەندەۋى كۇتىلەدى.
رەسپۋبليكانىڭ وڭتۇستىك-باتىسىندا، وڭتۇستىگىندە، وڭتۇستىك-شىعىسىندا ءبىر اي ىشىندە تۇنگى ۋاقىتتا اۋا تەمپەراتۋراسىنىڭ 3-12 گرادۋس ايازدان 0-7 گرادۋس جىلىعا دەيىن، كۇندىز 1-6 جىلىدان 8-18 جىلىعا دەيىن اۋىتقۋى كۇتىلەدى. قاراشا ايىنىڭ سوڭىندا جەكەلەگەن كۇندەرى ايازدى كۇندەر تۇندە 5-15 ايازعا دەيىن، كۇندىز 0-5 ايازعا دەيىن كۇشەيۋى مۇمكىن.
جالپى قاراشا ايىندا اۋا تەمپەراتۋراسى - ەلدىمىزدىڭ بارلىق ايماعىندا نورمادان 1° جوعارى بولادى دەپ بولجانادى (نورمالار بيۋللەتەن كەستەسىندە كەلتىرىلگەن).
قاراشا ايىندا جاۋىن-شاشىن مولشەرى قازاقستان اۋماعىنىڭ باسىم بولىگىندە نورما شاماسىندا، ەلدىڭ باتىسىندا، سولتۇستىك-شىعىسىندا نورمادان كوپ بولادى دەپ بولجانادى (سولتۇستىك قازاقستان، اقمولا، شىعىس قازاقستان وبلىستارىندا، باتىس قازاقستان، پاۆلودار وبلىستارىنىڭ باسىم بولىگىندە، اتىراۋ، ماڭعىستاۋ وبلىستارىنىڭ باتىسىندا، قوستاناي وبلىسىنىڭ سولتۇستىك-شىعىسىندا جانە اباي وبلىسىنىڭ شىعىسىندا).
الدىن الا بولجام بويىنشا قىس مەزگىلى قوڭىرجاي جىلى بولادى دەپ كۇتىلەدى، رەسپۋبليكانىڭ باسىم بولىگىندە جاۋىن-شاشىن مولشەرى كليماتتىق نورما شاماسىندا بولجانادى. ءبىراق كەيبىر كەزەڭدەردە بۇرقاسىن، ەكپىندى جەل، كوكتايعاق قۇبىلىستارىمەن، تۇماندار، مول جاۋىن-شاشىننىڭ ءتۇسۋى جوققا شىعارىلمايدى. سونداي-اق، قىس مەزگىلىندە قار جامىلعىسىندا مۇز قابىرشىعى پايدا بولۋىنا ىقپال ەتەتىن "تەمپەراتۋرالىق قۇبىلۋلار" بولجانادى.
جەلتوقسان ايىندا اۋا تەمپەراتۋراسى ەلدىڭ باسىم بولىگىندە نورما شاماسىندا، رەسپۋبليكانىڭ سولتۇستىك-باتىس جارتىسىندا نورمادان 1° جوعارى؛ (باتىس قازاقستان، اتىراۋ، ماڭعىستاۋ وبلىستاردا، اقتوبە، قوستاناي، سولتۇستىك قازاقستان وبلىستارىنىڭ باسىم بولىگىندە، اقمولا وبلىسىنىڭ سولتۇستىك-باتىسىندا)، شىعىس قازاقستان وبلىسىنىڭ قيىر سولتۇستىك-شىعىسىندا نورمادان 1° تومەن كۇتىلەدى (شىعىس قازاقستان وبلىسىنىڭ سولتۇستىك-شىعىسىندا).
جەلتوقسان ايىندا جاۋىن-شاشىن مولشەرى رەسپۋبليكا اۋماعىنىڭ باسىم بولىگىندە نورما شاماسىندا، ورتالىقتا، ەلدىڭ شىعىسىنىڭ باسىم بولىگىندە، اقتوبە وبلىسىنىڭ شىعىسىندا، سولتۇستىك ايماقتىڭ وڭتۇستىك جارتىسىندا جانە وڭتۇستىك وبلىستاردىڭ قيىر سولتۇستىگىندە نورمادان از بولادى دەپ بولجانادى.
قاڭتار ايىندا اۋا تەمپەراتۋراسى رەسپۋبليكا اۋماعىنىڭ باسىم بولىگىندە نورما شاماسىندا، رەسپۋبليكانىڭ شىعىسىندا نورمادان 1° تومەن بولادى دەپ بولجانادى (اباي، جەتىسۋ وبلىستارىندا، الماتى وبلىسىنىڭ باسىم بولىگىندە، قاراعاندى، پاۆلودار وبلىستارىنىڭ شىعىسىندا).
جاۋىن شاشىن مولشەرى رەسپۋبليكا اۋماعىنىڭ باسىم بولىگىندە نورما شاماسىندا، رەسپۋبليكانىڭ وڭتۇستىگى مەن وڭتۇستىك-شىعىسىنىڭ تاۋلى جانە تاۋ بوكتەرىندەگى اۋداندارىندا نورمادان كوپ كۇتىلەدى (تۇركىستان، جامبىل، الماتى، جەتىسۋ جانە شىعىس قازاقستان وبلىستارىنىڭ تاۋلى جانە تاۋ بوكتەرىندەگى اۋداندارىندا).
اقپان ايىندا رەسپۋبليكا بويىنشا ورتاشا ايلىق اۋا تەمپەراتۋراسى نورمادان 1-2°-قا جوعارى بولادى دەپ كۇتىلۋدە. رەسپۋبليكانىڭ بۇكىل اۋماعىندا جاۋىن-شاشىن مولشەرى كليماتتىق نورما شاماسىندا بولادى دەپ بولجانادى.
الدىن الا بولجام بويىنشا ناۋرىز ايىندا تەمپەراتۋرا بۇكىل ەل بويىنشا نورمادان 1° جوعارى بولادى دەپ كۇتىلۋدە.
ناۋرىز ايىندا جاۋىن – شاشىن مولشەرى رەسپۋبليكانىڭ باسىم بولىگىندە نورما شاماسىندا، رەسپۋبليكانىڭ وڭتۇستىك جانە وڭتۇستىك-شىعىسىنداعى تاۋلى جانە تاۋ بوكتەرىندەگى اۋدانداردا نورمادان كوپ (تۇركىستان، جامبىل، الماتى وبلىستارىنىڭ، جەتىسۋ وبلىسىنىڭ جانە شىعىس قازاقستان وبلىسىنىڭ تاۋلى جانە تاۋ بوكتەرىندەگى اۋداندارىندا)، ماڭعىستاۋ وبلىسىنىڭ باسىم بولىگىندە نورمادان از بولجانادى.
