Aldaǵy ýaqytta oblys ortalyǵy Túrkistan qalasy ainalysyna 20 myń gektar aýmaqqa jasyl beldeý qalyptasatyn bolady. Qazirgi tańda onyń 7 700 gektary aiaqtalǵan. Bul týraly Túrkistan oblystyq tabiǵi resýrstar jáne tabiǵat retteýdi paidalaný basqarmasynyń basshysy Qairat Ábdýáliev aitty.
– Oblysta 3 mln 131 myń gektar orman qory jerleri bar, onyń ishinde ormanmen kómkerilgen alqaby 1 mln 630 myń gektar. 2020 jyly ormandy molaitý sharalary boiynsha 11 610 gektar jerge mádeni orman ekpelerin júrgizý josparlanyp, tolyǵymen oryndaldy. Túrkistan qalasyndaǵy jasyl beldeý aýmaǵyna KazAtomprom AQ-men qosymsha 3 664,5 gektar japyraqty jáne sekseýil kóshetteri men tuqymy egildi. Sondai-aq, orman tuqymbaqtarynyń kólemi eki esege ulǵaiyp, onda ár jyly 35-40 mln ár-túrli aǵash kóshetterin ósirýge qol jetkiziledi, – dedi basqarma basshysy.
2020 jyly brakonerliktiń aldyn alý maqsatynda orman kúzeti qyzmetkerlerimen 1 076 reidtik is-shara uiymdastyrylyp, 344 zań buzýshylyq faktileri anyqtaldy. Nátijesinde 2 mln 786 myń teńge ákimshilik aiyppul salynyp, onyń 2 mln 580 myń teńgesi óndirilgen.
Budan ózge basqarma basshysynyń aitýynsha, oblys aýmaǵynda 158 qatty turmystyq qaldyqtar tastaityn poligon oryndary belgilengen. 2020 jyl qorytyndysymen jalpy 122 771 tonna qaldyq jinaqtalyp, onyń 15 962 tonnasy qaita óńdeýge baǵyttalǵan. mejelengen jyldyq jospar 13% tolyqtai oryndaldy. Ǵaryshtan túsirý nátijesinde, oblys aýmaǵynda 265 bei-bereket qoqys oryndary anyqtalyp, 252 núktege tazalaý jumystary júrgizilgen.
