Biyl ShQO-ǵa erikti qonys aýdarý jobasy boiyna 637 adam qonys aýdardy
Búginde el aýmaǵynda oblystar arasyndaǵy jumys kúshi aiyrmashylyǵyn azaitý maqsatynda Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy sheńberinde erikti qonys aýdarý jobasy tabysty júzege asýda.
Baspasóz máslihatynda ShQO Halyqty jumyspen qamtý jáne áleýmettik baǵdarlamalardy úilestirý basqarmasy basshysynyń orynbasary Doshan Qaiyrǵazinov jobaǵa qatysýshylarǵa jańa qonys jaily bolýy úshin barlyq qajetti jaǵdai jasalynyp jatqanyn alǵa tartty.
– Biyl Shyǵys Qazaqstan oblysynyń elimizdiń ózge aimaqtarynan «Eńbek» baǵdarlamasynyń mańyzdy baǵyttarynyń biri erikti qonys aýdarý jobasy sheńberinde 637 adam qonys aýdardy. Bizder baǵdarlamada kórsetilgende olarǵa tiisti jaǵdai jasap, qajetti memlekettik tólemderin tóledik. Jobaǵa sáikes, oblysymyzǵa kóship kelý shyǵyndaryn ótep berý úshin memleket ár otbasynyń múshesine bir ret 70 ailyq esepti kórsetkish esebinde aqy tólendi. Budan keiin olardyń úi jaldaý jáne kommýnaldyq qyzmetterge qajetti shyǵyndaryn ótý úshin ai saiyn árbir otbasy múshesine 15-30 ailyq eseptik kórsetkish mólsherinde aqy tólenýde, – dedi Doshan Qaiyrǵazinov jýrnalistermen júzdesýde.
Baspasóz máslihatynda Doshan Qaiyrǵazinov ShQO-ǵa biyl ózge elderden 140 qandasymyz kóship kelip, qonystanǵanyn da alǵa tartty. Ol ózge elden tarihi otanyna kelgen qandastarǵa barlyq memlekettik qoldaýlar kórsetilgenin atap ótti.
