Qaraǵandy oblysynda "Taza Qazaqstan" respýblikalyq aktsiiasy aiasynda abattandyrý jumystary jalǵasýda. Barlyq qalalar men aýdandarda aýqymdy jumystar atqaryldy jáne bul qarqyn báseńdemeidi. Barlyq jerde joldar, qoǵamdyq oryndar men aýlalar retke keltirilýde. Sondai-aq, turǵyndarǵa kommýnaldyq igilikterge qol jetkizý qamtamasyz etilýde.
Oblys ortalyǵynyń Sahalin kentinde sý qubyry jáne káriz jelileriniń qurylysy júrip jatyr. Jumys aiaqtalǵannan keiin 1 100-den astam turǵyn ortalyq sý jáne káriz júiesine qosylady.
Jumysshylar mamyr aiynyń ortasynda Sahalinde jeliler qurylysyn bastap ketti. Jospar boiynsha shamamen 9 km sý qubyrlary jáne shamamen 4,5 km káriz qubyrlary salynady.
- Sahalin kentinde sý qubyry jáne káriz jelilerin salý jobasy halyqtyń taza aýyz sýǵa qol jetkizýi jónindegi óńirlik baǵdarlamalardy oryndaý sheńberinde iske asyrylýda. Qazir merdiger belsendi jumys istep jatyr. Shamamen 1,5 km sýmen jabdyqtaý qubyrlary jáne 300 metr káriz jabdyqtalǵan. Jumystar bir mezgilde eki baǵytta júrgizilýde. Jobany biyl aiaqtaýdy josparlap otyrmyz. Sodan keiin mindetti túrde asfalttaý jumystaryn júrgizemiz, - dedi qalalyq TKSh jáne jolaýshylar kóligi jáne avtomobil joldary bólimi basshysynyń orynbasary Janbolat Toqmurzin.
Merdigerdiń aitýynsha, materialdar men jumys kúshine qatysty problema joq.
Saran zaýytynan jergilikti óndirýshilerdiń qubyrlary men temirbeton saqinalary qoldanylady.
Jańa jelilerge tórt kósheniń turǵyndary qosyla alady: Telman, Kommýnistik, Lineinaia jáne Litvin. Bul shamamen 400 úi. Qurylys keleshekti eskere otyryp júrgizilip jatyr, bolashaqta qosymsha abonentterdi qosýǵa múmkindik bolady.
Búginde Qaraǵandy oblysynda turǵyndardyń 99,2% - y ortalyq sý júiesine qosylǵan. Aýyz sýmen qamtamasyz etý máselesin bilik basyndaǵylar 2025 jyldyń sońyna deiin tolyǵymen jabýdy kózdep otyr.
