2026 jyly Qazaqstanda meditsina qyzmetkerleriniń eńbek aqysy kóteriledi. Bul týraly densaýlyq saqtaý birinshi vitse-ministri Timýr Sultanǵaziev málimdedi, dep habarlaidy Dalanews.kz.
Parlament Memleket basshysynyń tapsyrmasy boiynsha ázirlengen meditsina qyzmetkerlerin qorǵaý týraly zańnamaǵa engizilgen túzetýlerdi maquldady. Qyzmettik mindetin atqarý kezinde meditsina qyzmetkerleri men jedel járdem júrgizýshilerine jasalǵan zorlyq-zombylyq úshin jeke qylmystyq jaýapkershilik engizilip jatyr, sondai-aq, dárigerlerdiń kásibi jaýapkershiligin saqtandyrý tetigi iske qosyldy.
Sonymen qatar, áleýmettik qoldaý sharalarynyń arqasynda dárigerlerdiń tapshylyǵy 19%-ǵa, orta meditsinalyq personal tapshylyǵy 7%-ǵa, aýyldyq jerlerdegi maman tapshylyǵy 16%-ǵa tómendegen.
"2026 jyldan bastap infektsiialyq qyzmetter men jedel meditsinalyq járdem qyzmetkerleriniń jalaqysyn arttyrý qarastyrylǵan, al dárigerlerge qatysty zorlyq-zombylyq úshin jaýapkershilik kúsheitiledi", - dedi Timýr Sultanǵaziev.
