Biyl Ońtústikte 50 mektep paidalanýǵa beriledi
Jalpy 2017 jyly barlyq biýdjetterden bólingen qarjy esebinen 32 mektep el igiligine tapsyryldy. Tarqatyp aitsaq, 2017 jyly oblysymyzdaǵy bilim berý salasyna Ulttyq qordan 29,8 mlrd teńge bólinip, «Nurly jol» baǵdarlamasy aiasynda 35 bilim berý nysyndarynyń qurylysy júrgizilgen edi.
Budan bólek, búginde respýblikalyq biýdjetten qaralǵan 4,2 mlrd teńgege 4 mektep pen 1 mektep-internattyń qurylysy júrgiziliýde. Atalǵan nysandar jyl sońyna deiin paidalanýǵa tapsyrylatyn bolady.
Sondai-aq, 2017 jyly oblystyq biýdjetten qaralǵan 9,5 mlrd. teńgege 39 mektep pen 3 kolledjdiń qurylysy júrgizilip, jyl qorytyndysymen 12 mektep paidalanýǵa berilse, qalǵan 30 nysannyń qurylysy 2018 jyly aiaqtalady dep kútilýde.
Qoryta aitqanda búginde oblysymyzda 50 bilim nysanynyń qurylysy qarqyn alǵan. Eger qurylys jumystary josparǵa sai júrgizilse, barlyq nysandar jyl sońyna deiin tapsyrylady.
Budan bólek, oblystyq qurylys basqarmasy 2018 jyly bilim uialarynyń qurylysyn salýǵa respýblikalyq biýdjetten qosymsha qarjy qarastyrýǵa usynys joldaǵan. Eger usynys qabyldanyp jatsa, turǵyzatyn bilim uialarynyń qatary artady dep kútilýde.
OQO ákiminiń baspasóz qyzmeti
