بيىل وڭتٷستٸكتە 50 مەكتەپ پايدالانۋعا بەرٸلەدٸ
جالپى 2017 جىلى بارلىق بيۋدجەتتەردەن بٶلٸنگەن قارجى ەسەبٸنەن 32 مەكتەپ ەل يگٸلٸگٸنە تاپسىرىلدى. تارقاتىپ ايتساق, 2017 جىلى وبلىسىمىزداعى بٸلٸم بەرۋ سالاسىنا ۇلتتىق قوردان 29,8 ملرد تەڭگە بٶلٸنٸپ, «نۇرلى جول» باعدارلاماسى اياسىندا 35 بٸلٸم بەرۋ نىسىندارىنىڭ قۇرىلىسى جٷرگٸزٸلگەن ەدٸ.
بۇدان بٶلەك, بٷگٸندە رەسپۋبليكالىق بيۋدجەتتەن قارالعان 4,2 ملرد تەڭگەگە 4 مەكتەپ پەن 1 مەكتەپ-ينتەرناتتىڭ قۇرىلىسى جٷرگٸزٸلٸۋدە. اتالعان نىساندار جىل سوڭىنا دەيٸن پايدالانۋعا تاپسىرىلاتىن بولادى.
سونداي-اق, 2017 جىلى وبلىستىق بيۋدجەتتەن قارالعان 9,5 ملرد. تەڭگەگە 39 مەكتەپ پەن 3 كوللەدجدٸڭ قۇرىلىسى جٷرگٸزٸلٸپ, جىل قورىتىندىسىمەن 12 مەكتەپ پايدالانۋعا بەرٸلسە, قالعان 30 نىساننىڭ قۇرىلىسى 2018 جىلى اياقتالادى دەپ كٷتٸلۋدە.
قورىتا ايتقاندا بٷگٸندە وبلىسىمىزدا 50 بٸلٸم نىسانىنىڭ قۇرىلىسى قارقىن العان. ەگەر قۇرىلىس جۇمىستارى جوسپارعا ساي جٷرگٸزٸلسە, بارلىق نىساندار جىل سوڭىنا دەيٸن تاپسىرىلادى.
بۇدان بٶلەك, وبلىستىق قۇرىلىس باسقارماسى 2018 جىلى بٸلٸم ۇيالارىنىڭ قۇرىلىسىن سالۋعا رەسپۋبليكالىق بيۋدجەتتەن قوسىمشا قارجى قاراستىرۋعا ۇسىنىس جولداعان. ەگەر ۇسىنىس قابىلدانىپ جاتسا, تۇرعىزاتىن بٸلٸم ۇيالارىنىڭ قاتارى ارتادى دەپ كٷتٸلۋدە.
وقو ەكٸمٸنٸڭ باسپاسٶز قىزمەتٸ
