Aýyl sharýashylyǵy ministri Aidarbek Saparov pen Saýda jáne integratsiia ministri Arman Shaqqaliev áleýmettik mańyzy bar azyq-túlik taýarlary naryǵyndaǵy baǵa turaqsyzdyǵy men olardy turaqtandyrý sharalaryna arnalǵan birlesken keńes ótkizdi, dep habarlaidy Dalanews.kz.
Keńeske oblys ákimderiniń orynbasarlary, múddeli ortalyq memlekettik organdardyń ókilderi qatysty.
Aýyl sharýashylyǵy ministri elimizde ishki naryqty jáne eksportty qamtýǵa jetkilikti kólemde áleýmettik mańyzy bar azyq-túlik óndiriletinin atap ótti.
"Alaida, soǵan qaramastan, 2025 jyldyń basynda biz kókónis ónimderine, ásirese maýsymaralyq kezeńde, baǵanyń aitarlyqtai ósýin tirkedik. Bul jaǵdaidyń negizgi sebepteri — maýsymaralyq kezeńge arnalǵan turaqtandyrý qorlarynyń qoryn qalyptastyrýdaǵy álsiz jumys, áleýmettik-kásipkerlik korporatsiialar (ÁKK) tarapynan importtyq kókónisterdi satyp alýdyń uiymdastyrylmaýy, deldaldardy joiý boiynsha jergilikti atqarýshy organdardyń tiimsiz áreketi. Baǵany turaqtandyrý boiynsha shuǵyl sharalar qabyldaý qajet", — dep atap ótti Aidarbek Saparov.
Aýyl sharýashylyǵy vitse-ministri Erbol Tasjúrekov pen Saýda jáne integratsiia vitse-ministri Aijan Bijanova baǵanyń ósýine áser etken máselelerdi baiandady. Atap aitqanda — ÁKK-de kókónis qorynyń jetkiliksizdigi, erte ónimge kelisimshart jasaý kóleminiń azdyǵy, belgilengen saýda ústemesiniń asyp ketýi, sondai-aq Atyraý, Almaty jáne Jetisý oblystaryndaǵy óńirlik komissiialardyń jumys sapasynyń tómendigi aityldy.
Aidarbek Saparov uiymdasqan sharýashylyqtarda, sonyń ishinde úsh dándi daqyl egetin óńirde kartoptyń egis alqaptaryn keńeitýdiń mańyzdylyǵyna erekshe nazar aýdardy. Sondai-aq qajetti kólemde bidai men qant satyp alýdy ýaqytyly uiymdastyrý tapsyryldy.
Saýda jáne integratsiia ministri Arman Shaqqaliev vedomstvoaralyq úilestirýdi kúsheitý men bólshek saýda salasyndaǵy, ásirese baǵa belgileý jáne jetkizý tizbeginiń ashyqtyǵy boiynsha baqylaýdy arttyrýdyń mańyzdylyǵyna toqtaldy. Ol sondai-aq import kóleminiń ósýi jaǵdaiynda qazaqstandyq taýar óndirýshilerdi qoldaý qajettigin atap ótti.
Keńeste áleýmettik mańyzy bar taýarlardyń baǵasynyń negizsiz ósýi tirkelgen óńirlerdiń ókilderi de tyńdaldy.
"Biz ishki naryqtaǵy turaqtylyqty qamtamasyz etý úshin jetkilikti kólemde azyq-túlik óndiremiz. Bul baǵanyń turaqtylyǵynyń negizi bolýy tiis. Alaida jergilikti jerlerdegi naqty úilestirý men jedel áreketsiz kez kelgen tetik tiimsiz bolady", — degen Aidarbek Saparov jiyndaǵylarǵa barlyq turaqtandyrý sharalary naqty ári ýaqtyly júzege asyrylýy tiis ekenin eske saldy.
Buǵan deiin saitymyzda "Bizdiń jep júrgenimiz - Qytaidyń kartoby". Qazaqstandiki nege qorlarda tyǵýly jatady?" degen maqala jariialanǵan bolatyn.
