Biyl Jetisýda 1 mln sharshy metr turǵyn úi paidalanýǵa beriledi
Almaty oblysynda «Nurly jer» baǵdarlamasyn júzege asyrý jalǵasýda, biylǵy jyly 1 mln sharshy metr turǵyn úi paidalanýǵa beriledi. Bul týraly búgin Ortalyq kommýnikatsiialar qyzmeti alańynda ótken brifing kezinde Almaty oblysynyń ákimi Amandyq Batalov aitty, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
Almaty oblysy basshysynyń sózine súiensek, «Jumyspen qamtý jol kartasy» sheńberinde óńirge 105 mlrd teńge bólingen, 20 myń jumys ornyn qurǵan 1051 joba júzege asyryldy. Ótken jyly oblys boiynsha 60 myń jumys orny ashyldy.
Baiandamada aitylǵandai, «Nurly jer» baǵdarlamasyn júzege asyrý jalǵasýda, biylǵy jyly 1 mln sharshy metr turǵyn úi paidalanýǵa berý josparlanǵan. 2603 páterlik 521 turǵyn úi salynyp jatyr, sonyń 1212-si kóp balaly otbasylarǵa beriledi. Sonymen qatar jeńildikter qarastyrylǵan «7-20-25», «Baqytty otbasy» jáne «Shańyraq 5-10-20» baǵdarlamalarymen 1986 otbasy páterli bolady.
– Almaty oblysynda qurylys salasynda karantindik shekteýlerge qaramastan jumys qarqyny báseńdegen joq. Sol siiaqty biz shaǵyn jáne orta biznes nysandarynyń jabylýy saldarynan ornynan bosap qalǵan kóptegen azamatty osy qurylys salasynda jumyspen qamtydyq, – dedi A. Batalov.
