Qytai Halyq Respýblikasyna eki aptalyq kýrstan ótý úshin elemizdiń 30 sý salasynyń mamany attandy. Buǵan deiin kórshi elden 30 adamnan quralǵan alǵashqy top oralǵan bolatyn, – dep habarlaidy Dalanews.kz.
Biyl Qytaida biliktilikti arttyrý kýrstarynan qazaqstandyq sý salasynyń 120 mamany ótedi. Oqytý kýrstary Qytai tarapynyń qarajaty esebinen uiymdastyrylǵandyqtan, is-sharany uiymdastyrýǵa Qazaqstan Respýblikasynyń memlekettik biýdjetinen qarajat bólingen joq.
Biylǵy naýryz aiynda QR Sý resýrstary jáne irrigatsiia ministrligi men QHR Sý sharýashylyǵy ministrligi alǵash ret ózara túsinistik pen yntymaqtastyq týraly Memorandýmǵa qol qoiǵanyn eske sala keteiik.
Qujat sý resýrstaryn utymdy jáne turaqty paidalaný, zamanaýi tehnologiialardy engizý, balamaly sý kózderin bólý men igerý baǵyttary boiynsha ekijaqty yntymaqtastyqty nyǵaitýdy, sondai-aq tájiribe almasýdy jáne mamandardy birlesip daiarlaýdy kózdeidi.
– Qazaqstandyq mamandar Qytaidan basqa, AQSh, Frantsiia jáne Japoniiada da oqýdan ótti. Qazirgi ýaqytta basqa da memlekettermen kelissózder júrgizilip jatyr. Byltyrǵydai, biyl da Qazaqstandaǵy arnaiy ortalyqtarda oqý kýrstary ótedi. 2025 jyly bul kýrstardan shamamen 1000 maman ótedi dep josparlanyp otyr. Bul byltyrǵymen salystyrǵanda eki ese kóp, – dedi Sý resýrstary jáne irrigatsiia vitse-ministri Nurlan Aldamjarov.
