قىتاي حالىق رەسپۋبليكاسىنا ەكٸ اپتالىق كۋرستان ٶتۋ ٷشٸن ەلەمٸزدٸڭ 30 سۋ سالاسىنىڭ مامانى اتتاندى. بۇعان دەيٸن كٶرشٸ ەلدەن 30 ادامنان قۇرالعان العاشقى توپ ورالعان بولاتىن, – دەپ حابارلايدى Dalanews.kz.
بيىل قىتايدا بٸلٸكتٸلٸكتٸ ارتتىرۋ كۋرستارىنان قازاقستاندىق سۋ سالاسىنىڭ 120 مامانى ٶتەدٸ. وقىتۋ كۋرستارى قىتاي تاراپىنىڭ قاراجاتى ەسەبٸنەن ۇيىمداستىرىلعاندىقتان, ٸس-شارانى ۇيىمداستىرۋعا قازاقستان رەسپۋبليكاسىنىڭ مەملەكەتتٸك بيۋدجەتٸنەن قاراجات بٶلٸنگەن جوق.
بيىلعى ناۋرىز ايىندا قر سۋ رەسۋرستارى جەنە يرريگاتسييا مينيسترلٸگٸ مەن قحر سۋ شارۋاشىلىعى مينيسترلٸگٸ العاش رەت ٶزارا تٷسٸنٸستٸك پەن ىنتىماقتاستىق تۋرالى مەموراندۋمعا قول قويعانىن ەسكە سالا كەتەيٸك.
قۇجات سۋ رەسۋرستارىن ۇتىمدى جەنە تۇراقتى پايدالانۋ, زاماناۋي تەحنولوگييالاردى ەنگٸزۋ, بالامالى سۋ كٶزدەرٸن بٶلۋ مەن يگەرۋ باعىتتارى بويىنشا ەكٸجاقتى ىنتىماقتاستىقتى نىعايتۋدى, سونداي-اق تەجٸريبە الماسۋدى جەنە مامانداردى بٸرلەسٸپ دايارلاۋدى كٶزدەيدٸ.
– قازاقستاندىق ماماندار قىتايدان باسقا, اقش, فرانتسييا جەنە جاپونييادا دا وقۋدان ٶتتٸ. قازٸرگٸ ۋاقىتتا باسقا دا مەملەكەتتەرمەن كەلٸسسٶزدەر جٷرگٸزٸلٸپ جاتىر. بىلتىرعىداي, بيىل دا قازاقستانداعى ارنايى ورتالىقتاردا وقۋ كۋرستارى ٶتەدٸ. 2025 جىلى بۇل كۋرستاردان شامامەن 1000 مامان ٶتەدٸ دەپ جوسپارلانىپ وتىر. بۇل بىلتىرعىمەن سالىستىرعاندا ەكٸ ەسە كٶپ, – دەدٸ سۋ رەسۋرستارى جەنە يرريگاتسييا ۆيتسە-مينيسترٸ نۇرلان الدامجاروۆ.
