25 shildede Batys Qazaqstan óńirlik kommýnikatsiialar qyzmetinde «oblys óńirindegi avtokólik joldarynyń qurylysy jáne olardy jóndelý jumystary týraly» taqyrybynda kezekti brifing ótti.
Brifingte sóz alǵan oblystyq jolaýshylar kóligi jáne avtomobil joldary basqarmasy basshysynyń orynbasary Medet Shakaevtyń aitýynsha, Batys Qazaqstandaǵy joldardyń jalpy uzyndyǵy 6 530 shaqyrym, sonyń 1 392 shaqyrymy respýblikalyq mańyzy bar joldar sanatyna jatady.
2014 jyly 62 shaqyrym joldy jóndeýge 6 mlrd. 144 mln. teńge qarjy bólinse, 2015 jyly 117 shaqyrymdy jóndeýge 5 mlrd. 079 mln. teńge jumsalǵan.
2016 jyly oblystyq jáne aýdandyq mańyzy bar joldardy kútip, ustaýǵa 5 mlrd. 978 mln. teńge qaraldy. Osy qarjyǵa «Chapaev-Jańaqala-Saiqyn» jolynyń 30 shaqyrymy, «Aqsai-Shyńǵyrlaý» jolynyń 51 shaqyrymy, «Ańqaty-Saryómir» jolynyń 23 shaqyrymy, «Jympity-Qaratóbe» jolynyń 55 shaqyrymy, «Oral-Kirsanov» jolynyń 48 shaqyrymy jóndeldi.
Jalpy ótken jyldyń qorytyndysynda oblysta 145,5 shaqyrym jol qalpyna keltirilgen.
2017 jyly «Bórli-Aqsai-Jympity» jolynyń 30 shaqyrymyn qaita qalpyna keltirý, «Oral-Kirsanov» jolynyń 48 shaqyrymyna, «Chapaev-Jańaqala-Saiqyn» 76 shaqyrymyna, «Barbastaý-Aqjaiyq-Inder» jolynyń 43 shaqyrymyna ortasha jóndeý júrgizý josparlanýda.
Aǵymdaǵy jylda oblystyń 90,3 shaqyrymdy quraityn aýdandyq avtokólik joldarynyń jóndeý jumystaryna 6,6 mlrd. teńge bólindi.
Sondai-aq, jol qurylysynda jańa tehnologiia – salqyn resaikling tásili keńinen qoldanylýda. Bul ádisti qoldanǵan kezde joldyń sapasy jaqsaryp, ózindik quny edáýir arzandaidy. Mysaly joldyń bir shaqyrymyn salýǵa 120 mln. teńgege jýyq shyǵyn shyǵatyn bolsa, salqyn resaikling tásiliniń arqasynda onyń quny 35-40 mln. teńgege deiin kemidi.
Sharaǵa qatysqan «QazAvtoJol» Ulttyq kompaniiasy» AQ oblystyq filialynyń bólim basshysy Erlan Qajimov bergen málimeti boiynsha, aǵymdaǵy jylǵa respýblikalyq mańyzy bar joldardy qaita qalpyna keltirýge, kúrdeli jóndeýge 15 mlrd. 126 mln. teńge qarjy bólindi.
2017 jyly «Oral-Tasqala-RF shekarasy» avtojolynyń Tasqala aýylyna deiingi bóligi (9,201 mln. teńge) tolyq bitip, aldaǵy jyly qalǵan 18 shaqyrymy salynatyn bolady.
Oral qalasynyń jolaýshy kóligi jáne avtomobil joldary bóliminiń basshysy Qairat Muhambetqaliev osy jyly qalanyń 80 kóshesiniń joldaryn aǵymdaǵy jóndeýge 400 mln. teńge bólingenin jáne 5,7 shaqyrymǵa trotýar tóseletinin jetkizdi.
