Biyl Astanaǵa qonys aýdarǵandar sany Almatyǵa qaraǵanda eki ese kóp, dep habarlaidy Dalanews.kz.
Ulttyq statistika biýrosynyń derekterine sáikes, biyl jyl basynan beri elordaǵa 137 myń adam kóship barǵan. Al kerisinshe, Astanadan 70,6 myń adam ózge óńirlerge qonys aýdarǵan.
Almatyda bul kórsetkish tómen: qalaǵa 115,8 myń adam kelse, 88 myńy ketken.
Aita keteiik, buǵan deiin Qazaqstan halqynyń sany 2025 jylǵy 1 qazanyndaǵy jaǵdai boiynsha 20 445 231adamdy qurady. Bul týraly Ulttyq statistika biýrosy habarlady.
Vedomstvo málimetinshe, jyl basynan beri el turǵyndarynyń sany 161 832 adamǵa artqan. Onyń ishinde tabiǵi ósim esebinen – 151 632 adam, al kóshi-qon esebinen – 10 200 adam qosylǵan.
Qazirgi tańda eldegi jeti óńirde halyq sany 1 millionnan asqan:
- Almaty qalasy – 2 337 023 adam
- Túrkistan oblysy – 2 148 207 adam
- Astana qalasy – 1 612 512 adam
- Almaty oblysy – 1 586 875 adam
- Shymkent qalasy – 1 286 087 adam
- Jambyl oblysy – 1 216 849 adam
- Qaraǵandy oblysy – 1 131 818 adam
Ulttyq statistika biýrosynyń málimetinshe, el halqynyń ósimi negizinen tabiǵi jolmen qamtamasyz etilip otyr, iaǵni týý kórsetkishi ólim kórsetkishinen aitarlyqtai joǵary.
