Abai oblysynyń óńirlik kommýnikatsiialar qyzmeti alańynda «Kópbalaly otbasylarǵa jáne halyqtyń áleýmettik osal toptaryna memlekettik turǵyn úi qorynan turǵynúimen qamtamasyz etý» máselesi týraly «Semei qalalyq turǵyn úi qatynastary jáne turǵyn úi inspektsiiasy bólimi» MM basshysy Diana Shaiahmetova baiandady, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
– Semei qalasy boiynsha baspanaǵa muqtaj azamattardyń kezeginde 14 122 adam tur. Olardyń ishinde kópbalaly otbasylar, jetim balalar jáne ata-anasynyń qamqorlyǵynsyz qalǵan balalar kiredi. Sonymen qatar, halyqtyń áleýmettik jaǵynan osal toptaryna, memlekettik qyzmetshilerge, biýdjettik uiymdardyń qyzmetkerlerine, jalǵyz turǵyn úii belgilengen tártippen avariialyq jaǵdaida dep tanylǵan Qazaqstan Respýblikasynyń azamattaryna baspana qarastylyrǵan, – dedi spiker.
Memlekettik turǵyn úi qorynan nemese jeke turǵyn úi esebinen muqtaj azamattar retinde esepte turǵandarǵa baspana kezek tártibimen beriledi.
– 2023-2029 jylǵa arnalǵan jospary boiynsha turǵyn úi-kommýnaldyq infraqurylymdy damytý aiasynda kezekte turǵan azamattarǵa «2-10-20» jáne «5-10-20» syndy memlekettik baǵdarlamalar «Otbasy Banki» AQ arqyly júzege asyrylýda, – dedi Diana Shaiahmetova.
Qorytyndylai kele, 2022 jyly kezekte turǵan azamattarǵa Qaraǵaily shaǵyn aýdanynan 128 páter berilse, 2023 jyly kezekte turǵan azamattarǵa 211 páter berilgen. Sondai-aq, Ushaqtar jáne Komsomol kentinen kóp balaly otbasylarǵa arnalǵan 108 páter, Qaraǵaily shaǵyn aýdanynan barlyq sanattaǵy azamattarǵa arnalǵan 103 páterdiń kilti tabystalǵan. Al, 2024 jyldyń 1 jartyjyldyǵynyń jospary boiynsha, shaǵyn aýdanda 77 páter berý kózdelip otyr.
