Bigeldi Ǵabdýllin qamaýǵa alyndy
Qazir Bigeldi Ǵabdýllin ustalyp, Astana qalasy IID-niń ýaqytsha ustaý izoliatoryna qamalǵan. Qylmystyq qýdalaý organy Ǵabdýllindi ózine baǵynyshty aqparat quraldarynda «memlekettik organ basshylaryna qatysty olardyń iskerlik bedelin túsiretin jaǵymsyz materialdardy jariialaý arqyly aqparattyq shabýyldardy údetip, syndy doǵarý úshin laýazymdy tulǵalardan óz mediaresýrstaryna memlekettik tapsyrys alyp kelgen» degen málimet taratty.
Vedomstvo sondai-aq, keibir sheneýnikterdiń Ǵabdýllinniń múddesin júzege asyrýǵa, memlekettik tapsyrys týraly kelisimderge qol qoiýǵa yqpal etkenin málimdedi. «Sodan keiin (memlekettik tapsyrys týraly kelisimnen keiin – red.) ǵana olardyń qyzmeti týraly jaǵymdy materialdar jariialanǵan. Máselen, Jambyl oblystyq ákimdiginen ol 10 million teńge kólemindegi biýdjet qarjysyn bopsalaǵan. Osyndai jolmen Ǵabdýllinge taǵy jeti memlekettik organ aqsha aýdarǵan», - delingen habarlamada.
Buǵan deiin salyq tóleýden jaltardy, alaiaqtyq jasady degen aiyppen Qazaqstan Jýrnalister Odaǵynyń tóraǵasy Seiitqazy Mataev pen onyń uly, «QazTAG» HAA basshysy Áset Mataev qýǵyndalyp, S. Mataev alty, Á. Mataev bes jylǵa bas bostandyǵynan airylǵan bolatyn.
Bigeldi Ǵabdýllin óte yqpaly jýrnalisterdiń biri boldy. Ol táýelsiz basylymdardyń qalyptasýy men damýyna negiz qalaǵandardyń biri.
2001 jyly Qazaqstannan qashyp, AQSh-tan saiasi baspana suraǵan bolatyn. Keiin 3 jyldan soń Qazaqstan Prezidenti Nazarbaevtyń kómegimen elge oralǵanyn málimdegen edi.
