Almatyda Orys pravoslav shirkeýinde buryn qyzmet etken Iakov Vorontsov eki aiǵa qamaýǵa alyndy, dep habarlaidy Dalanews.kz.
Vorontsovtyń advokaty Ǵalym Nurpeiisov QazTag agenttigine pikir bildirdi. Onyń aitýynsha, sot otyrysy onlain formatta ótken. Prokýror kúdiktini qamaýda ustaýdy surap, óz ýájderin keltirgenimen, qorǵaý tarapy talap etken dálel qujattaryn usynbaǵan.
Qorǵaýshy sottan Vorontsovtyń densaýlyq jaǵdaiyn eskerip, ony úiqamaqqa aýystyrýdy ótingen. Advokattyń sózinshe, onyń kóktamyrlary men býyndaryna qatysty syrqaty bar, sondyqtan úi jaǵdaiynda tolyqqandy em qabyldaýy qajet.
"Biz úiqamaqty suradyq. Ol tergeýden qashpaidy, is júrgizýge kedergi keltirý nieti joq. Soǵan qaramastan prokýror eki aiǵa qamaýdy talap etti. Sot qorǵaý tarapynyń ótinishin qanaǵattandyrmai, eki aiǵa qamaý týraly qaýly shyǵardy. Biz bul sheshimmen kelispeimiz jáne apelliatsiialyq shaǵym beremiz. Sondai-aq oǵan qajetti meditsinalyq kómektiń kórsetilýin talap etemiz", - dedi advokat QazTag agenttigine.
Qorǵaýshy sot sheshimine shaǵym túsiriletinin málimdedi.
Aita keteiik, buǵan deiin Ǵalym Nurpeiisov Vorontsovqa Qylmystyq kodekstiń 302-baby ("Esirtki quraldaryn tutyný úshin priton uiymdastyrý nemese ustaý") jáne 296-baby ("Ótkizý maqsatynsyz esirtki quraldarymen zańsyz ainalysý") boiynsha aiyp taǵylǵanyn málimdegen edi.
23 aqpanda onyń ákimshilik qamaý merzimi aiaqtalǵanymen, bostandyqqa shyqpaǵan. Tańerteń ol 72 saǵatqa qaita ustalyp, bul joly qylmystyq is aiasynda kúdikti retinde tanylǵan. Úsh táýlik ishinde oǵan qatysty bultartpaý sharasy tańdalýy tiis.
Buǵan deiin Almaty qalalyq politsiia departamenti esirtki quraldaryn tutyný úshin priton uiymdastyrý faktisi boiynsha qylmystyq is tergelip jatqanyn habarlaǵan.
Ákimshilik qamaýda otyrǵan kezinde Vorontsov advokaty arqyly hat jariialap, ózine taǵylǵan aiyptardy joqqa shyǵarǵan. Ol jaǵdaidy Qazaqstanda Rýs pravoslav shirkeýinen bólek táýelsiz pravoslav shirkeýin qurý áreketimen bailanystyratynyn málimdegen.
Osyǵan deiin oǵan «ekstremizm» baby boiynsha qozǵalǵan is toqtatylǵany aitylǵan. Sondai-aq 12 aqpanda ol Almaty qalalyq ádilet departamentine qarsy dini birlestikti memlekettik tirkeýden bas tartý sheshimin zańsyz dep taný týraly talap aryz bergen.
Iakov Vorontsov qoǵamdaǵy birqatar ózekti máseleler boiynsha ashyq syni pikirlerimen tanymal. 2023 jylǵy 19 maýsymda ol din qyzmetin toqtatatynyn jariialaǵan.
