Aqmola oblysynda burynǵy joǵary laýazymdy sheneýnik Sergei Kýlaginniń ieligindegi jer ýchaskesine qatysty sot daýy bastaldy. Oblystyq jer resýrstaryn basqarý departamenti men QR Prezidenti Is basqarmasyna qarasty "Býrabai" memlekettik ulttyq tabiǵi parki sotqa aryz túsirip, jer ýchaskesine qatysty sharttardy jaramsyz dep tanýdy talap etip otyr, - dep habarlaidy Dalanews.kz
Talap aryz "Askop" jáne "Integratsiia-Tselina" jaýapkershiligi shekteýli seriktestikterine, sondai-aq, Býrabai aýdany jer qatynastary bólimine qarsy berilgen.
Iske qatysty mamandandyrylǵan aýdanaralyq ekonomikalyq sot jer ýchaskesiniń kadastrlyq derekterin tolyq zertteýge kiristi. Osy maqsatta "Azamattarǵa arnalǵan úkimet" memlekettik korporatsiiasynan Shýchinsk qalasyndaǵy "Svetlyi" shipajaiy ornalasqan jerdiń naqty iesi týraly aqparat talap etilgen.
Sot, sondai-aq, memlekettik korporatsiia qyzmetkerlerine daýly ýchaskege baryp, "Askop" seriktestiginiń jeri Prezident Is basqarmasyna qarasty "Býrabai" ulttyq tabiǵi parki jerine qabattasyp jatqan-jatpaǵanyn anyqtaýdy tapsyrdy. Tekseris nátijesi boiynsha sotqa resmi jazbasha qorytyndy usynylýǵa tiis.
Ázirge azamattyq is boiynsha naqty sheshim qabyldanǵan joq, sot protsesi áli jalǵasyp jatyr.
Ashyq derekterge súiensek, "Askop" jáne "Integratsiia-Tselina" kompaniialarynyń menshik ieleri retinde burynǵy sheneýnik, Aqmola oblysynyń eks-ákimi Sergei Kýlagin jáne onyń jubaiy Galina Kýlagina tirkelgen.
