Óskemen turǵyny burynǵy áıelin boqtaǵany úshin qoǵamdyq jumysqa jegildi. Ol QR Qylmystyq kodeksiniń 131-baby 1-bóligine (qorlaý) sáıkes kináli dep tanylǵan.

SHQO boıynsha QAJ departamenti baspasóz qyzmetiniń málimetine súıensek, 42 jastaǵy er adam beınebaılanys arqyly burynǵy áıeline qońyraý shalǵan.

Sóılesý barysynda ony qorlap, balaǵat sózder aıtqan. Áıel adam polısıaǵa aryz túsirgen soń is sotqa jetti.

Óskemen qalalyq №2 soty er adamdy QR Qylmystyq kodeksiniń 131-baby 1-bóligine (qorlaý) sáıkes kináli dep tanydy.

Sottalýshy jábirlenýshige 100 myń teńge mólsherinde moraldyq zalal tólep, qoǵamdyq jumysqa jegildi.

– Sot sheshimimen aıyptalýshy qala aýmaǵynda 40 saǵattyq qoǵamdyq jumysqa tartylyp, kósheni qardan tazalaıdy. Qazirgi ýaqytta ol Óskemendegi negizgi kóshelerde jumys istep júr, – deıdi Óskemen qalalyq probasıa qyzmeti bastyǵynyń orynbasary Symbat Botaev.