شقو بويىنشا قاج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 42 جاستاعى ەر ادام بەينەبايلانىس ارقىلى بۇرىنعى ايەلىنە قوڭىراۋ شالعان.
سويلەسۋ بارىسىندا ونى قورلاپ، بالاعات سوزدەر ايتقان. ايەل ادام پوليسياعا ارىز تۇسىرگەن سوڭ ءىس سوتقا جەتتى.
وسكەمەن قالالىق №2 سوتى ەر ادامدى ق ر قىلمىستىق كودەكسىنىڭ 131-بابى 1-بولىگىنە (قورلاۋ) سايكەس كىنالى دەپ تانىدى.
سوتتالۋشى جابىرلەنۋشىگە 100 مىڭ تەڭگە مولشەرىندە مورالدىق زالال تولەپ، قوعامدىق جۇمىسقا جەگىلدى.
– سوت شەشىمىمەن ايىپتالۋشى قالا اۋماعىندا 40 ساعاتتىق قوعامدىق جۇمىسقا تارتىلىپ، كوشەنى قاردان تازالايدى. قازىرگى ۋاقىتتا ول وسكەمەندەگى نەگىزگى كوشەلەردە جۇمىس ىستەپ ءجۇر، – دەيدى وسكەمەن قالالىق پروباسيا قىزمەتى باستىعىنىڭ ورىنباسارى سىمبات بوتايەۆ.
