Aqmola oblysynyń Býrabai aýdanynda kvadrotsikl aýdarylyp, saldarynan 22 jastaǵy Astana turǵyny kóz jumdy, dep habarlaidy dalanews.kz.
Politsiianyń málimetinshe, qaiǵyly oqiǵa 7 shilde kúni Zelenyi Bor men Býrabai kentteriniń arasyndaǵy jolda bolǵan. Kvadrotsikldi basqarǵan boijetken kólikti tizgindei almai, saldarynan tehnika aýdarylǵan.
Aýyr jaraqat alǵan júrgizýshi oqiǵa ornynda kóz jumdy.
Kvadrotsiklde onymen birge kele jatqan 19 jastaǵy jolaýshy túrli jaraqat alyp, meditsinalyq kómekke júgingen.
Atalǵan derek boiynsha qylmystyq is qozǵaldy. Qazirgi ýaqytta politseiler jol apatynyń mán-jaiyn anyqtap jatyr.
