Premer-ministr Oljas Bektenov halyqaralyq tehnologiialyq qaýymdastyq – Network School negizin qalaýshy Baladji Shrinivasanmen Qazaqstanda halyqaralyq tehnologiialyq hab qurý jobasyn talqylady, dep habarlaidy dalanews.kz.
Úkimettiń málimetinshe, kezdesý barysynda jasandy intellekt, bilikti mamandar daiarlaý, tehnologiialyq kásipkerlikti damytý jáne startaptardy qoldaý baǵytyndaǵy yntymaqtastyq máseleleri qaralǵan.
Taraptar Aqmola oblysynda halyqaralyq innovatsiialyq hab quryp, keiin jobany Alatau City aýmaǵyna deiin keńeitý perspektivalaryn talqylaǵan.
Jospar boiynsha Network City tehnologiialyq qalashyǵy Býrabai kentinde salynady. Joba tabiǵi landshaft pen qoldanystaǵy qala qurylysy sheshimderin eskere otyryp, modýldik infraqurylym qaǵidatymen júzege asyrylmaq.
Úkimettiń málimetinshe, jańa alań IT-mamandar, kásipkerler men zertteýshilerdiń basyn qosatyn ortalyqqa ainalyp, jumys isteýge, bilim alýǵa jáne kásibi tájiribe almasýǵa múmkindik beredi.
Baladji Shrinivasan Qazaqstannyń jasandy intellekt salasyndaǵy áleýetine joǵary baǵa berip, eldiń halyqaralyq kapital men talanttardy tartý baǵytynda úlken múmkindikteri bar ekenin atap ótti.
