Lýkashenko tilshilerge kólemdi suhbat berip, áńgime arasyndaǵy Ýkraınadaǵy soǵys pen Reseıdiń ıadrolyq qarýdy qoldanyp, qoldanbaýyna qatysty óz oıyn bildiripti.
– Reseıdiń Ýkraınaǵa qarasy ıadrolyq qarýdy qoldanbaýy kerek dep esepteımin. Óıtkeni Ýkraınanyń dál qasynda bizder kórshi turmyz. Qurama shtattar sekildi muhıttyń arǵy betinde tursaq, bir sári. Eger joıqyn qarý qoldanylatyn bolsa, aspan aınalyp jerge túsedi. Jalpy, bul suraqty Reseıdiń basshysyna qoıyńdar, – dep jaýap beripti Aleksandr Lýkashenko.
Sonymen qatar Aleksandr Lýkashenko Reseı prezıdenti Vladımır Pýtınniń NATO-men qaqtyǵysqa túskenin qalamaıtynyn da aıtypty.
